پاکستان میں یوم کشمیر کے دن پر مقبوضہ وادی کے باسیوں سے بھرپوریکجہتی کا اظہار کیاجارہا ہے۔

کشمیری بھائیوں اور بہنوں سے یکجہتی کے اظہار کیلئےکراچی میں مزار قائدکی دیواروں  پر مقبوضہ وادی میں جاری بھارتی جارحیت کی منظر کشی کی گئی اور بھارت کی جانب سے جاری ظلم و بربریت کا اظہار کرتےہوئے بھارتی فوج کے آگ اور خون کے کھیل کو اجاگر کیاگیا۔

Kashmir related photos highlighting Indian brutalities were projected on Mazar-e-Quaid in Karachi #KashmirSolidarityDay #KashmirDay #StandWithKashmir #KashmirWantsFreedom #KashmirResolution pic.twitter.com/D1AlZzXm5O

— Radio Pakistan (@RadioPakistan) February 5, 2020

یوم یکجہتی کشمیرکےموقع پر بھی مقبوضہ کشمیرمیں بھارتی فوج کی ریاستی دہشت گردی جاری ہے، بھارتی فوج نے نام نہاد سرچ آپریشن کے دوران دو کشمیریوں کو شہید کردیاہے۔

نہتےنوجوانوں کوسری نگرکےعلاقےمیں گولیوں کانشانہ بنایاگیا،بھارتی فورسزنےضلع کلگام میں بھی سرچ آپریشن تیز کردیا،سرچ آپریشن کے دوران چادروچاردیواری کا تقدس بھی پامال کیا گیا.

دوسری جانب بھارتی فوج کی جانب سے کشمیریوں کو شہید کئے جانے پر کشمیری عوام نے شدید احتجاج کیا اور مودی سرکار کے خلاف شدید نعرے بازی کی.

واضح رہے کہ مودی سرکارنےتمام حریت قائدین، سیاسی رہنماؤں کو گرفتار کررکھا ہے،وادی میں 185 دنوں سے کرفیو نافذ ہے۔

مقبوضہ کشمیر میں قابض بھارتی فوج نے احتجاج کرنے والے اور گھروں سے نکلنے والے ہزاروں کشمیریوں کو بھی گرفتار کیا گیا ہے، گورنر ستیاپال نے محبوبہ مفتی اور عمر عبداللہ کو اس شرط پر رہا کرنے کا کہا تھا کہ وہ رہائی کے بعد خاموش رہیں گےاور مقبوضہ کشمیر کی خصوصی حیثیت کے خاتمے کے حوالے سے کوئی بات نہیں کریں گے لیکن عمرعبداللہ اور محبوبہ مفتی نے مودی سرکار کی شرائط ماننے سے انکار کر دیا۔

واضح رہے کہ بھارت نے 5 اگست کو مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر کے وادی میں غیر معینہ مدت کے لیے کرفیو نافذ کر دیا تھا۔ بھارت کی ہندو انتہا پسند حکمران جماعت بی جے پی کے اس اقدام کے بعد سے ہی مقبوضہ وادی میں حالات انتہائی کشیدہ ہیں اور وادی میں مکمل لاک ڈاؤن ہے۔