پانچویں روز بھی بارش اور برفباری

شبین رضا

08th Mar, 2020. 09:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پانچویں روز بھی بارش اور برفباری

پنجاب اور خیبر پختونخوا کے مختلف علاقوں میں بارش وبرفباری کا سلسلہ جاری ہے۔

تفصیلات کے مطابق اسلام آباد سمیت پنجاب اور خیبر پختونخوا کے مختلف حصوں میں رات بھر وقفے وقفے سے گرچ چمک کے ساتھ بارش کا سلسلہ جاری رہا جو آج بھی دن بھر جاری رہنے کا امکان ہےجبکہ گلگت بلتستان اور کشمیر کے پہاڑوں پربھی برفباری ہوئی۔

وادی نیلم اور شانگلہ میں بھی وقفے وقفے سے برفباری ہو رہی ہے جس کی وجہ سے آمدورفت کا سلسلہ بھی بند ہو گیا ہے۔

انتظامیہ کا کہنا ہے کہ جوں ہی برفباری کا سلسلہ تھمے گا مشینری کے ذریعے برف ہٹانے کا سلسلہ شروع کر دیا جائے گا۔

اس کے ساتھ ساتھ میر پور آزاد کشمیر اور گردونواح میں چوتھے روز بھی بارش کا سلسلہ جاری رہا جبکہ وادی لیپہ شدید برفباری کی لپیٹ میں ہے جس کی وجہ سے شہریوں کو شدید پریشانی کا سامنا ہے۔

وادی لیپہ کی رابطہ سڑکیں بھی گزشتہ پانچ روز سے بند ہیں۔