محکمہ موسمیات کاکہناہےکہ مغربی ہواوں کے سسٹم کے زیر اثر کراچی میں موسم ایک بار پھر سردی لوٹ آئی،شہر میں تیز مغربی ہوائیں چل پڑی ہیں۔
محکمہ موسمیات کاکہناہے کہ شہر میں 35 تا 40کلو میٹر فی گھنٹہ کی رفتار سے ہوائیں چل رہی ہیں،آج کم سے کم درجہ حرارت18.3 ڈگری سینٹی گریڈ ریکارڈ کیا گیا،اس وقت شہر کا موجودہ درجہ حرارت 26ڈگری سینٹی گریڈ ہےجبکہ ہوا میں نمی کا تناسب19 فیصد ہے۔
محکمہ موسمیات نے مزید بتایا کہ شہر کا مطلع جزوی ابر آلود رہے گا تاہم بارش کا امکان نہیں ہے،تاہم آج 40 تا 45 کلو میٹر تک تیز ہوا کے جھکڑ چل سکتے ہیں۔
دوسری جانب لاہور میں صبح سویرے بادلوں کا راج ہےاور موسم خوشگوار ہوگیا۔محکمہ موسمیات نے آج لاہور میں بارش کا امکان ظاہر کردیاہے۔
محکمہ موسمیات کے مطابق لاہور میں اگلے 24 سے 48 گھنٹوں میں مزید بارشوں کا امکان ہے۔ جبکہ دیگر شہروں گوجرانوالہ، سیالکوٹ ، جہلم اور راولپنڈی میں تیز ہواؤں اور گرج چمک کے ساتھ بارش کی توقع ہے۔
ڈیرہ غازی خان، لیہ ملتان ، بہاولپور، رحیم یار خان، بہاولنگر، ٹوبہ ٹیک سنگھ، جھنگ ، فیصل آباد، سرگودھا، بھکر میں بارشوں کا امکان ہے۔
محکمہ موسمیات کے مطابق لاہور کا کم سے کم درجہ حرارت 13 اور زیادہ سے زیادہ 21 ڈگری سینٹی گریڈ تک رہنے کا امکان ہے۔
وادی کوئٹہ و گردونواح میں مطلع ابرآلود اورسرد رہے گا،کوئٹہ میں ہوا میں نمی کا تناسب69 فیصد ، قلات میں 62 فیصد ریکارڈ کیا گیا ہے۔
محکمہ موسمیات نے بتایا کہ شہرمیں آج کم سے کم درجہ حرارت 01، قلات میں منفی ایک ڈگری سینٹی گریڈ ریکارڈ کیاگیاہے۔ جبکہ بارکھان میں ،دالبندین میں ایک، گوادر میں13 ڈگری سینٹی گریڈ ریکارڈکیاگیا۔
محکمہ موسمیات نے بتایا کہ جیوانی میں 12، خضدار میں 6، نوکنڈی میں 7ڈگری سینٹی گریڈ ریکارڈ کیاگیا۔پنجگور میں 4،سبی میں 13،تربت میں 6،ژوب میں 5 ڈگری سینٹی گریڈ ریکارڈکیاگیاہے۔
موسم کا حال بتاتے والوں کاکہناہے کہ وادی کوئٹہ سمیت شمال مشرقی بلوچستان میں آئندہ چوبیس گھنٹوں کے دوران گرج چمک کے ساتھ بارش کا امکان ہے۔
محکمہ موسمیات کے مطابق گزشتہ روز دالبندین میں 12،کوئٹہ، نوکنڈی اور پنجگور میں 2،قلات اور سبی میں ایک ملی میٹر بارش ریکارڈ کی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News