ملک بھر میں پیٹرول کی قلت برقرار ہے، شہری چوتھے روز بھی پیٹرول کے حصول کیلئے خوار ہوتے رہے۔
اوگرا نے ملک بھر میں پیٹرول اور ڈیزل کی قلت کا نوٹس لیتے ہوئے چاروں صوبوں، گلگت بلتستان اور آزاد کشمیر کے چیف سیکر ٹریز کو خطوط لکھ دیے۔
اوگرا کی جانب سے متعلقہ ڈپٹی کمشنرز کے ذریعے پیٹرولیم مصنوعات کی ذخیرہ اندوزی کرنے والے پیٹرول پمپس کےخلاف قانونی کارروائی کی درخواست کی گئی ہے۔
خیال رہے کہ پیٹرول پمپس پر پیٹرول کے حصول کیلئے عوام کی لمبی لائنیں لگ گئیں، آئل اینڈ گیس ریگولیٹری اتھارٹی (اوگر) کے ایکشن کے باوجود پیٹرول پمپوں پر سپلائی بحال نہ ہو سکی ۔
خیال رہے کہ اوگر نے گزشتہ روز ملک بھر میں پٹرول کے مصنوعی بحران پر ایکشن لیا تھا اور پٹرول کی مصنوعی قلت پیدا کرنے والے پٹرول پمپس کے خلاف کاروائی کرنے کی بھی ہدایت کی تھی۔ اوگرا نے وزارت پٹرولیم کو بھی ملک بھر میں پٹرول کی مصنوعی قلت سے آگاہ کرنے کیلئے خط لکھا ہے۔
اوگرا نے کچھ آئل مارکیٹنگ کمپنیوں کو شوکاز نوٹس بھی جاری کیے ہیں۔
ملک بھر میں پیٹرولیم مصنوعات کی قیمت میں کمی کے بعد یکم جون سے پیٹرول کی قلت ہےاور کراچی سمیت کئی شہروں میں بیشتر پیٹرول پمپس پر پیٹرول نہیں مل رہا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News