سابق وزیراعظم یوسف رضا گیلانی نے احتساب عدالت لاہور میں پیشی پر آئے شہباز شریف سے اہم ملاقات کی ہے۔
تفصیلات کے مطابق سینیٹ الیکشن میں پی ڈی ایم کے مشترکہ امیدوار یوسف رضا گیلانی آج لاہور کی احتساب عدالت پہنچے جہاں انہوں نے اپوزیشن لیڈر قومی اسمبلی شہباز شریف سے ملاقات کی، یہ ملاقات ون آن ون جاری تھی کہ حمزہ شہباز بھی اس ملاقات میں شامل ہوگئے۔
ذرائع کے مطابق ملاقات میں یوسف رضا گیلانی نے سینیٹ انتخابات سے متعلق صدر مسلم لیگ ن شہباز شریف سے مشاورت کی، ساتھ ہی پیپلز پارٹی کے شریک چئیر مین آصف زرداری اوربلاول بھٹو کا اہم پیغام ان تک پہنچایا۔
ملاقات کے بعد میڈیا سے گفتگو کرتے ہوئے یوسف رضاگیلانی نے کہا کہ مجھے سینیٹ کا متفقہ امیدوار نامزد کرنے پرن لیگ اور پی ڈی ایم کا بہت مشکور ہوں۔
شہباز شریف سے ملاقات پر سابق وزیراعظم کا کہنا تھا کہ پارلیمنٹ کی بالادستی کے لئے شہباز شریف سے ملاقات کی، آصف زرداری اور بلاول بھٹو زرداری سے بھی ملاقات ہوئی ہے، چیئرمین بلاول بھٹو صاحب تشریف لارہے ہیں، مریم نواز سے ملاقات ہوگی۔
سابق وزیراعظم نے الزام عائد کرتے ہوئے کہا کہ حکومت سینیٹ اوپن بیلٹ سے متعلق بل اسمبلی میں لائی اورجب دیکھا کہ اکثریت نہیں تو ریفرنس بھیج دیا، تاثر ہے ایوان بالا کے انتخابات میں ہارس ٹریڈنگ ہوگی ، پیسہ چلے گا اسکی مذمت کرتے ہیں، حکومت پہلے میرے پیچھے لگی کہ نااہل ہوجائے، اب حکومت کی کوشش ہے کہ آئین کو تبدیل کیاجائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News