قومی احتساب بیورو(نیب)نے اثاثہ جات انکوائری میں مریم نواز کو بھی شاملِ تفتیش کرنے کا فیصلہ کیا ہے۔
تفصیلات کے مطابق کیپٹن (ر) صفدر کیخلاف آمدن سے زائد اثاثہ جات انکوائری میں اہم پیش رفت ہوئی ہے۔
نیب ذرائع کے مطابق مسلم لیگ ن کی نائب صدر مریم نواز کے نام پر کیپٹن (ر) صفدر نے سندر میں 109 ایکڑ اراضی خرید رکھی ہے۔
دستاویزات کے مطابق موضع مال میں زمین مریم نواز کے نام سے خرید رکھی ہے، موضع بدوکی میں 62 کنال 2 مرلے کی زمین بھی مریم نواز کے نام پر خریدی گئی ہے۔
نیب دستاویزات کے مطابق 14کنال ایک مرلے کی زمین رائیونڈ روڈ پر مریم نواز کے نام سے بنا رکھی ہے، مریم نواز تحصیل رائیونڈ میں 200 ایکڑ کی اراضی کی بے نامی دار ہیں۔
کیپٹن (ر) صفدر کیخلاف 2020 میں نیب خیبرپختونخوا کو شکایات موصول ہوئی تھیں۔
ذرائع کا کہنا ہے کہ لاہور میں زیادہ تر پراپرٹیز ہونے کے باعث انکوائری نیب لاہور کو منتقل کی گئی۔
نیب کی جانب سے مریم نواز کا موقف لینے کی کوشش کی جارہی ہے اور کیپٹن (ر) صفدرکے ذرائع آمدن سے متعلق تفصیلات طلب کی گئی ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News