مسلم لیگ ن کے صدر اور قومی اسمبلی میں اپوزیشن لیڈرشہباز شریف کو لندن جانے سے روکنے کے معاملے پر ن لیگ نے اہم مشاورتی اجلاس آج لاہور میں طلب کرلیا گیا ہے۔
ذرائع کے مطابق اس اہم مشاورتی اجلاس کی صدارت ن لیگ کے صدر شہباز شریف کرینگے۔
اجلاس میں سابق وزیراعظم اور مسلم لیگ ن کے مرکزی رہنما شاہد خاقان عباسی، سابق وفاقی وزیراحسن اقبال، پنجاب اسمبلی میں اپوزیشن لیڈر حمزہ شہباز، مسلم لیگ ن کی ترجمان مریم اورنگزیب اور رانا ثناء اللہ شرکت کرینگے۔
ذرائع نے بتایا ہے کہ اجلاس میں شہباز شریف کولندن جانے سے روکے جانے کے معاملے پر قانونی ٹیم بریفنگ بھی دے گی۔
اس کے علاوہ ن لیگ آئندہ کی حکمت عملی بھی طے کرے گی۔
واضح رہےکہ اس اہم مشاورتی اجلاسں کے بعد ن لیگ کے مرکزی رہنماء پریس کانفرنس بھی کرینگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News