سربراہ پاک فضائیہ ائیر چیف مارشل ظہیر احمد بابر سدھو نے کہا ہے کہ پاکستان اور متحدہ عرب امارات کے مابین مضبوط مذہبی، ثقافتی اور تاریخی تعلقات استوار ہیں۔
تفصیلات کے مطابق متحدہ عرب امارات کے سفیر حماد عبید ابراہیم الزابی نے سربراہ پاک فضائیہ ائیر چیف مارشل ظہیر احمد بابر سدھو سے ان کے دفتر میں ملاقات کی۔
ملاقات میں باہمی دلچسپی کے مختلف امور اور دوطرفہ تعاون پر تبادلہ خیال کیا گیا۔
متحدہ عرب امارات کے سفیر نے پاک فضائیہ کی کمان سنبھالنے پر ائیر چیف کو مبارکباد پیش کی اور دونوں ممالک کے درمیان تمام شعبوں میں تعاون کی یقین دہانی بھی کرائی۔
ملاقات میں سربراہ پاک فضائیہ نے کہا کہ پاکستان اور متحدہ عرب امارات کے مابین مضبوط مذہبی، ثقافتی اور تاریخی تعلقات استوار ہیں جو متحدہ عرب امارات کی فضائیہ اور پاک فضائیہ کے مابین مضبوط تعلقات کا مظہر ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News