پورے کراچی میں ترقیاتی کام ہورہے ہیں ، علی زیدی

انوشہ شیخ

11th Jul, 2021. 12:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پورے کراچی میں ترقیاتی کام ہورہے ہیں ، علی زیدی

وفاقی وزیر برائے بحری امور علی زیدی کہتے ہیں کہ پورے کراچی میں ترقیاتی کام ہورہے ہیں۔

اپنے جاری کردہ بیان میں ان کا کہنا تھا کہ کراچی میں14سال میں صرف ایک بس آئی ہے، اسکی بھی ٹیسٹنگ ہورہی ہے۔

انہوں نے کہا کہ کراچی میں تجاوزات وفاقی حکومت ہٹارہی ہے جبکہ ہم بہت جلد گرین لائن بس کے علاوہ نئے منصوبے کی بھی خوشخبری دیں گے جبکہ نالوں کی صفائی ، سڑکوں کی تعمیر بھی ہم کر رہے ہیں۔

انہوں نے کہا کہ گرین بس لائن منصوبہ بھی وفاق مکمل کررہا ہے، جو اگست تک مکمل ہوجائیگا جبکہ کے فورمنصوبہ بھی وفاقی حکومت مکمل کررہی ہے۔

علی زیدی کا کہنا تھا کہ کراچی میں لائن میں پانی نہیں آتا ہے ، شہریوں کو پانی ٹینکرمافیا کے ذریعے ملتا ہے۔

انہوں نے سندھ حکومت پر تنقید کرتے ہوئے کہا کہ سائیں سرکارسے کوئی توقعات نہیں ہیں اگر فلاحی ادارے نہ ہوتے تو یہاں ایمبولینس بھی نہیں ملتی۔

واضح رہے کہ انہوں نے یہ بھی بتایا کہ پی ٹی آئی کراچی میں جو کام کررہی ہے وہ صوبائی حکومت کے ہیں جبکہ وفاق نے کراچی کیلئے 9ارب90 کروڑ روپے مختص کیے ہیں۔