وزیراعظم عمران خان کے معاون خصوصی برائے سیاسی روابط شہباز گل کا کہنا ہے کہ ملک ترقی کی راہ پر گامزن ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں انہوں نے لکھا کہ وزیراعظم عمران خان کی بہترین پالیسیوں کی بدولت برآمدات کا شعبہ نئے ریکارڈ قائم کررہا ہے۔

انہوں نے لکھا کہ مالی سال 2021 میں امریکہ کیلئے برآمدات 39 فیصد اضافے سے 5.2 ارب ڈالر ہوگئی ہیں جبکہ مالی سال 2020 کے دورانیہ 3.7 ارب ڈالر تھا۔

Advertisement

2021 میں بینکوں کی آٹو فنانسنگ41 فیصد اضافے کیساتھ پاکستانی تاریخ کی بلند ترین سطح 297.5 ارب روپے پر پہنچ گئی ہے

ایک جانب ملک ترقی کی راہ پر گامزن ہے،کاروبار اور معیشت کے حوالے سے مثبت خبریں آرہی ہیں،دوسری جانب سیاسی لکی ایرانی سرکس سے کرپٹ اپوزیشن عوام کے منورنجن میں مصروف ہے

— Dr. Shahbaz GiLL (@SHABAZGIL) July 6, 2021

شہباز گل نے اپنے ٹوئٹ پیغام میں  مزید لکھا کہ تاریخ میں پہلی مرتبہ امریکہ کو ہماری برآمدات 5 ارب سے تجاوز کر گئی ہیں ، 2021 میں بینکوں کی آٹو فنانسنگ41  فیصد اضافے کے ساتھ پاکستانی تاریخ کی بلند ترین سطح 297.5 ارب روپے پر پہنچ گئی ہے۔

واضح رہے کہ انہوں نے یہ بھی لکھا کہ کاروبار اور معیشت کے حوالے سے مثبت خبریں آرہی ہیں جبکہ سیاسی لکی ایرانی سرکس سے کرپٹ اپوزیشن عوام کے منورنجن میں مصروف ہیں۔