وزیراعظم عمران خان نے وفاقی کابینہ کا اجلاس طلب کر لیا ہے جس میں 22 نکاتی ایجنڈا پر غور کیا جائے گا۔
اجلاس میں کابینہ میں ہونے والے فیصلوں پر عملدرآمد رپورٹ پیش کی جائے گی۔
وفاقی کابینہ اسلام آباد کیپیٹل ٹیریٹری اتھارٹی ایکٹ اور کیپیٹل ٹیریٹری مینٹیننس آف پبلک آرڈر ایکٹ 2019ء میں ترمیم کی منظوری دے گی۔
وفاقی کابینہ سول ایوی ایشن اتھارٹی اور ایئرپورٹ اتھارٹی آرڈیننس کی منظوری دے گی جبکہ کابینہ مالی سال 2021ء کے لیے ایس ای سی پی کے آڈیٹرز تعینات کرنے کی منظوری دے گی۔
کابینہ کو جی ٹونٹی ممالک کی جانب سے قرضوں کی ادائیگی معطل کرنے سے متعلق اقدام پر بریفنگ بھی دی جائے گی۔
اسلام آباد کیپیٹل ٹیریٹری سیکیورٹی آف سٹیبلشمنٹ ایکٹ 2019ء کا معاملہ کابینہ ایجنڈا میں شامل ہے۔
وفاقی کابینہ پیمرا کونسل آف کمپلینٹس لاہور میں سحر زرین کی تعیناتی، چیئرمین ای او بی آئی کی کنٹریکٹ پر تعیناتی جبکہ فیڈرل گورنمنٹ پراپرٹی مینجمٹ اتھارٹی کے قیام کی منظوری دے گی۔
کابینہ کمیٹی برائے توانائی کے گزشتہ تین اجلاسوں کے فیصلوں کی توثیق کابینہ ایجنڈا میں شامل ہے جبکہ کابینہ کمیٹی برائے ادارہ جاتی اصلاحات کے فیصلوں کی توثیق بھی کی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News