قومی اسمبلی کا اجلاس کل 11 بجے پارلیمنٹ ہاؤس میں ہوگا۔
تفصیلات کے مطابق قومی اسمبلی کے سیکریٹریٹ نے اجلاس کا 13 نکاتی ایجنڈا جاری کردیا ہے، ایجنڈے کے مطابق امیگریشن ترمیمی بل 2021 کو پارلیمنٹ کے مشترکہ اجلاس میں بھیجنے کی تحریک پیش کی جائے گی۔
جاری کردہ ایجنڈے کے مطابق مسلم فیملی لاز 2021 کو پارلیمنٹ کے مشترکہ اجلاس میں بھیجنے کی تحریک پیش کی جائے گی، نیشنل کالج آف آرٹس انسٹیٹیوٹ بل 2021 کو پارلیمنٹ کے مشترکہ اجلاس میں بھیجنے کی تحریک بھی پیش کی جائے گی۔
ایجنڈے کے مطابق پرائیویٹائزیشن کمیشن ترمیمی بل 2021 کو پارلیمنٹ کے مشترکہ اجلاس میں بھیجنے کی تحریک پیش کی جائے گی، پبلک پرائیویٹ پارٹنر شپ اتھارٹی ترمیمی آرڈیننس 2021 بھی ایوان میں پیش کیا جائے گا۔
جاری کردہ ایجنڈے کے مطابق ٹیکس قوانین تیسری ترمیم آرڈیننس 2021 ایوان میں پیش کیا جائے گا، ملک میں بڑھتے ہوئے ڈینگی کیسز پر توجہ دلاؤ نوٹس بھی ایوان میں پیش کیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News