رواں سال 14 اگست کو گریٹر اقبال پارک میں رونما ہونے والے واقعےمیں مزید انکشافات سامنے آئے ہیں۔
ذرائع کے مطابق 13 افراد کا گینگ عائشہ کی ایک نیم برہنہ فوٹیج پر اسے 2 سال سے بلیک میل کر رہا تھا جبکہ 14 اگست کو اسے زبردستی بلیک میل کر کے مینار پاکستان لیجایا گیا تھا۔
ذرائع کا کہنا ہے کہ 13 افراد پر مشتمل گینگ نے ہی دیگر ساتھیوں کے ساتھ ملکر عائشہ کے کپڑے پھاڑے تھے جبکہ رات ایک بجے ڈی آئی جی انویسٹیگیشن کے دفتر جا کر عائشہ اکرم نے تحریری طور پر حقیقت سے پردہ اٹھا دیا تھا۔
ذرائع کے مطابق ڈی آئی جی انویسٹیگیشن شارق جمال نے ایس پی سٹی انویسٹیگیشن کی سربراہی میں اصل ملزم گرفتار کرنے کے لئے 2 ٹیمیں بنا دی ہیں۔
ذرائع نے کہا کہ لاری اڈہ انویسٹیگیشن پولیس نے راولپنڈی میں معروف ٹک ٹاکر بادشاہ کے گھرپر چھاپہ مارا لیکن پولیس کے پہنچنے سے پہلے ملزم فرار ہوگئے ۔
عائشہ اکرم کا کہنا تھا کہ ایک ماہ قبل ہی تبدیل ہونے والے ایس پی سٹی انویسٹیگیشن کو ساری حقیقت بتا دی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News