برطانوی شخص نے 75 سالہ سالگرہ پر ایک چھوٹی چمنی اپنے سر پر جماکر ایک نیا ریکارڈ قائم کرلیا ہے۔ اس سے قبل وہ گنیز بک آف ورلڈ ریکارڈ کے 99 ایوارڈ اپنے نام کرچکے ہیں۔ اس مظاہرے میں انہوں نے سانتا کلاز کا لباس پہن رکھا تھا۔
جان ایونز اس سے قبل سر پر دودھ کے کریٹ، اینٹوں اور کار تک کو متوازن کرچکے ہیں۔ اپنے نئے کارنامے پر انہوں نے کہا کہ “میں ذیابیطس کا مریض ہوں، دمے کا مریض ہوں اور انجائنا بھی ہوچکا ہے لیکن اب میں نے ہمت کرکے 98 واں ایوارڈ اپنے نام کرچکا ہوں۔
اب انہوں نے 8 فٹ بلند ٹھوس اینٹوں سے بنی چمنی کو اپنے سر پر سہارا ہے جو عام آدمی کے بس میں نہیں اور اگر اس کی عالمی تصدیق ہوجاتی ہے تو یہ ان کا 99 واں اعزاز ہوگا۔ نوعمری میں انہوں سر پر بھاری وزن رکھ کر متوازن کرنا شروع کیا اور اس میں مہارت حاصل کی۔ 42 سال کی عمر میں انہوں نے سر پر اینٹیں رکھیں جس کا مقصد فلاحی کاموں کے لیے چندہ جمع کرنا تھا اور انہیں میڈیا میں بہت شہرت ملی تھی۔
اس سے قبل وہ سر پر فریج، پانی کی بوتلیں،بیئر کے کین، سیمنٹ مکس کرنے کی مشین، اور موٹرسائیکل اور دیگر سامان بھی اٹھا چکے ہیں۔ اس کا مظاہرہ انہوں نے کئی ممالک میں کیا ہے اور فلاحی مقاصد کے لیے اب تک ساڑھے تین لاکھ ڈالر جمع کرچکے ہیں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News