بھارتی ریاست آندھرا پردیش میں اپنے داماد کی خاطر تواضع 365 کھانوں سے کرکے مثال قائم کردی۔
پاکستان اور بھارت میں داماد کی خاطر مدارت کرنا بھی ایک رسم بن چکی ہے جس کا آغاز کسی بھی خاندان کا رشتہ جڑنے کے ساتھ ہی شروع ہوجاتا ہے اور یہ آخر تک چلتا رہتا ہے۔
بھارتی میڈیا کے مطابق ریاست آندھرا پردیش میں ہر سال ’سنکرانتی‘ نامی فیسٹیول جوش وخروش سے منایا جاتا ہے جس میں داماد کو کھانے پر مدعو کیا جاتا ہے لیکن ایک خاندان نے اپنے داماد کی خاطر مدارت کا ریکارڈ قائم کردیا۔
آندھرا پردیش کے علاقے نرساپورم سے تعلق رکھنے والے بھارتی خاندان کی جانب سے اپنے داماد کی خاطر تواضع میں 365 مختلف انواع واقسام کے کھانے تیار کیے گئے جس کی تصاویر اور ویڈیوز سوشل میڈیا پر وائرل ہوگئیں۔
اس حوالے سے جب خاندان سے اتنی زیادہ ڈشز تیار کرنے سے متعلق سوال کیا گیا تو ان کا کہنا تھا کہ ہم نے دنوں کے حساب سے ڈشز تیار کی ، چونکہ سال میں 365 دن ہوتے ہیں اس لیے اتنے کھانے تیار کرکے اپنے ہونے والے داماد کے لیے اپنی محبت ثابت کرنا ہے۔
خاندان کے ایک اور شخص نے بتایا کہ ایک وقت میں اتنی زیادہ ڈشز بنانے کا مقصد ہمارے فیملی سے جڑنے والے نئے شخص کو اپنایت کا احساس دلانا تھا۔
بھارتی خاندان کی جانب سے تیار کیے گئے کھانوں میں 30 مختلف سالن، بریانی اور سادے چاولوں کی مختلف اقسام، روایتی مٹھائی، فروٹس، کیک ، بسکٹس اور مشروبات شامل تھیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News