معروف ٹک ٹاکر معاذ صفدر کی اہلیہ نے میزبان دانش تیمور کے پروگرام ’’گیم شو ایسے چلے گا‘‘ پر خاموش رہنے کی وجہ بتادی۔ 

پاکستان کے نمبر ون انٹرٹینمنٹ چینل ’بول انٹرٹینمنٹ‘ کے مقبول ترین گیم شو ’’گیم شو ایسے چلے گا‘‘ کی حالیہ قسط میں ملک کے نامور وی لاگر اور ٹک ٹاکر معاذ صفدر نے شرکت کی۔

ٹک ٹاکر پر 4 ملین سے زائد فالورز رکھنے والے معاذ صفدر نے اپنی دلہن صبا معاذ کے ہمراہ اداکار دانش تیمور کے پروگرام ’’گیم شو ایسے چلے گا‘‘ میں شرکت کی جہاں انہوں نے اپنی نجی زندگی سے متعلق کھل کر بات کی۔

میزبان دانش تیمور کی جانب سے معاذ صفدر سے پوچھے گئے سوال کے جواب میں انہوں نے کہا کہ شادی سے پہلے ولاگ بنانے میں مصروف رہتا تھا جس کے باعث صبا سے بات کرنے کا موقع نہیں ملتا تھا لیکن اب یہ میرے ولاگ کا حصہ ہوتی ہیں تو ان سے کھل کر بات ہوجاتی ہے۔

جس پر میزبان نے پوچھا کہ یہ ولاگ میں کچھ بولتی بھی ہیں یا اسی طرح خاموش رہتی ہیں جس پر ٹک ٹاکر نے کہا ابھی تو نہیں بول رہیں لیکن آگے چل کر ویڈیوز میں بولیں گی۔

دانش تیور نے صبا سے پوچھا کہ آپ ولاگ میں بولتی ہیں تو یہاں کیوں نہیں بول رہیں جس پر انہوں نے جواب دیا کہ مجھے یہاں شرم آرہی ہے ، اس لیے خاموش ہوں۔

اداکار دانش تیمور کا شمار پاکستان کے ٹاپ اداکاروں میں ہوتا ہے جو ’جلیبی‘، ’وجود‘ اور ’رانگ نمبر‘ جیسی کامیاب فلموں سمیت درجنوں سپر ہٹ ڈراموں میں بھی اداکاری کے جوہر دکھاچکے ہیں۔

اس کے علاوہ بول انٹرٹینمنٹ پر اداکار دانش تیمور کی میزبانی میں ’’گیم شو ایسے چلے گا‘‘ بھی آئے روز مقبولیت کے نت نئے ریکارڈ قائم کررہا ہے اور خاص طور پر انہیں سوشل میڈیا پر بے حد پذیرائی حاصل ہورہی ہے۔