کویت شہر میں ایک گھریلو ملازمہ کو اپنے آجروں کے لیے تیار کیے گئے کھانے میں گندگی ملانے پر گرفتار کر لیا گیا۔
بھارتی خاتون گزشتہ ایک سال سے کھانے میں گندگی ڈال رہی تھیں۔
گھر والوں نے محسوس کیا کہ نوکرانی جو کھانا انہیں پیش کر ہی تھی اس کا ذائقہ عجیب تھا۔
اس کے بعد گھر والوں نے نوکرانی کے علم میں لائے بغیر کچن میں سی سی ٹی وی کیمرہ لگا دیا اور پھر اس کی سرگرمیوں پر نظر رکھی۔
سی سی ٹی وی فوٹیج میں کراہت آمیز انکشاف ہوا کہ نوکرانی ایک خاص برتن سے مائع فضلہ نکال کر ان کے کھانے پینے کی اشیاء میں شامل کر رہی تھی۔
معاملے کی اطلاع حکام کو دی گئی جنہوں نے ملازمہ کو حراست میں لے لیا۔
ملازمہ، جس کا نام ابھی ظاہر ہونا باقی ہے، نے اعتراف کیا کہ وہ ایک سال سے بدلہ لینے کے لیے خاندان کے کھانے میں گندگی ڈال رہی تھی، کیونکہ اسے جو کمرا دیا گیا تھا وہ دیگر گھر والوں سے علیحدہ تھا اور اس کا بیت الخلاء چھت پر تھا۔
کیپٹل گورنریٹ کے ڈائریکٹوریٹ آف سیکیورٹی کے ڈائریکٹر جنرل میجر جنرل عابدین العابدین نے ملازمہ کو اس خاندان کے اعتماد کی خلاف ورزی کرنے پر بھارت واپس ڈی پورٹ کرنے کا حکم دیا ہے۔
اگرچہ حکام اپنے قبضے میں دستیاب سی سی ٹی وی فوٹیج کی بنیاد پر نوکرانی پر قتل کی کوشش یا خاندان کو شدید نقصان پہنچانے کا الزام لگا سکتے تھے، لیکن انہوں نے اسے فوری طور پر ملک بدر کرنے کا فیصلہ کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News