دنیا کے امیر ترین شخص ایلون مسک کی گرل فرینڈ نے یہ انکشاف کیا ہے کہ ان کے ہاں بیٹی کی پیدائش ہوئی ہے۔
بین الاقوامی میڈیا رپورٹ کے مطابق ٹیسلا اور اسپیس ایکس جیسی کمپنیوں کے مالک ایلون مسک کی گرل فرینڈ کینیڈین گلوکارہ گریمز نے وینیٹی فیئر کو دیئے گئے انٹرویو میں یہ انکشاف کیا ہے کہ ان کے ہاں بیٹی کی پیدائش ہوئی ہے۔
انہوں نے انٹرویو میں بتایا ہے کہ اس بچی کی پیدائش دسمبر 2021 میں ہوئی تھی جس کی پیدائش کی خبر کو اب سامنے لایا گیا ہے جس کا نام ایکسا ڈارک سڈرائیل مسک رکھا گیا ہے مگر اسے وائے کی عرفیت دی گئی ہے۔
ایلون مسک اور ان کی گرل فرینڈ کا ایک بیٹا بھی ہے جس کی پیدائش مئی 2020 میں ہوئی تھی اور اس کا نام X Æ A-Xii ہے۔
یاد رہے کہ اس بچی کی پیدائش سروگیسی طریقہ کار سے ہوئی اور یہ مجموعی طور پر ایلون مسک کی 7 ویں اولاد ہے۔
علاوہ ازیں ایلون مسک کی گرل فرینڈ کینیڈین گلوکارہ گریمز نے ایلون مسک کی سادہ زندگی گزارنے کی عادت کے حوالے سے بھی بتایا۔
گلوکارہ نے انٹرویو کے دوران بتایا کہ ‘ان کے پاس تو ایک نیا میٹریس بھی نہیں’، ایک دفعہ انہوں نے لاس اینجلس میں رہائش کے دوران میٹریس کی سائیڈ پر ایک سوراخ کو دریافت کیا۔
انہوں نے بتایا کہ ایلون مسک نے نئے میٹریس کو خریدنے کا کہنے کے بجائے یہ کہا کہ اسی پُرانے میٹریس کو گھر میں رکھیں، ان کی گرل فرینڈ کا کہنا تھا کہ ‘وہ کسی ارب پتی کی طرح زندگی نہیں گزارتے، وہ تو اکثر حد غربت سے نیچے رہنے والوں کی طرح زندگی گزارتے ہیں’۔
ایلون مسک کی گرل فرینڈ نے بتایا کہ ‘کیا ہم 40 ہزار ڈالرز کے انتہائی غیرمحفوظ گھر میں نہیں رہتے؟ جہاں پڑوسی ہماری فلمیں بناسکتے ہیں اور وہاں کوئی سیکیورٹی بھی نہیں، جہاں میں 8 دن تک پینیٹ بٹر ہی مسلسل کھاتی رہی’۔
اس انٹرویو کے دوران گریمز نے یہ بھی بتایا کہ دنیا کے امیر ترین شخص سے تعلق نے ان میں یہ احساس پیدا کیا کہ وہ 2 دنیاؤں کے درمیان پھنس گئی ہیں۔
انہوں نے کہا کہ ایلون مسک کافی احمقانہ باتیں کرتے رہتے ہیں مگر وہ درست کام کرتے ہیں، لوگوں کا خیال ہے کہ وہ پیسوں کا ذخیرہ کررہے ہیں، مگر یہ درست نہیں وہ اپنا سب کچھ ریسرچ اینڈ ڈویلپمنٹ پر خرچ کرتے ہیں۔
واضح رہے کہ اس وقت وہ 50 ہزار ڈالرز کے ایک چھوٹے سے گھر میں رہتے ہیں جس کو انہوں نے اسپیس ایکس سے کرائے پر لیا ہے۔
کیونکہ ایلون مسک نے مئی 2020 میں اعلان کیا تھا کہ وہ اپنے تمام گھر اور بیشتر اثاثوں کو فروخت کردیں گے تاکہ مریخ میں انسانی کالونی کے لیے سرمایہ کاری کرسکیں اور اپنے لیے کوئی گھر نہیں رکھیں گے۔
یہاں دلچسپ بات یہ ہے کہ گزشتہ سال ستمبر میں ایلون مسک نے اپنی گرل فرینڈ سے ‘نیم علیحدگی’ کا اعلان کیا تھا مگر پھر تعلق قائم ہوگیا تاہم بچی کی پیدائش کے بعد وہ پھر الگ ہوگئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News