عالمی ٹینس پر حکمرانی کرنے والی آسٹریلوی خاتون ٹینس کھلاڑی ایشلیگ بارٹی نے پروفیشنل ٹینس سے رٹائرمنٹ لے لی ہے۔

ایشلیگ بارٹی کے اس غیر متوقع فیصلے پر سب حیران ہیں، کچھ لوگوں نے اس خبر کو فیک قرار دے دیا تھا۔

گزشتہ روز عالمی نمبر ایک ایشلیگ بارٹی نے سوشل میڈیا پر اپنے ایک بیان میں کہا کہ وہ اب اپنے دوسرے خوابوں کی تکمیل کرنا چاہتی ہیں۔

خاتون ٹینس کھلاڑی نے کہا کہ ٹینس کورٹ کو میں جتنا وقت دے سکتی تھی دیا اور مزید وقت نہیں ہے۔

ایشلیگ بارٹی کا کہنا تھا کہ وہ اپنے اس فیصلے پر خوش ہیں اور میں اپنے فیصلے پر مطمئن ہوں۔

واضح رہے کہ ایشلیگ بارٹی نے 2019 میں فرنچ اوپن جیت کر پہلا گرینڈ سلم حاصل کیا تھا، عالمی نمبر ایک پر 114 ہفتے مسلسل رہنے کا ریکارڈ بھی بارٹی کے نام ہے۔

صرف اسٹیفی گراف ، سیرینا ولیمز مارٹینا نیورا تلوا اس فہرست میں ان سے آگے ہیں۔

بارٹی نے فرنچ گرینڈ سلم ایونٹ کی 17.9 ملین پاؤنڈ کی انعامی رقم بھی حاصل کی تھی۔

ایشلیگ بارٹی نے 2018 میں یو ایس اوپن میں گرینڈ سلم ڈبلز ایونٹ میں بھی کامیابی حاصل کی تھی۔

ایشلیگ بارٹی نے اپنے مداحوں کا شکریہ ادا کرتے ہوئے کہا کہ اس کھیل میں مجھے سب کا تعاون حاصل رہا اور میں فخر کے احساس کے ساتھ اس کھیل سے رخصت ہو رہی ہوں۔