ڈیاگو میراڈونا کی بیٹی نے دعویٰ کیا ہے کہ نیلامی کے لئے پیش کی جانے والی ان کے والد کی ’ہینڈ آف بال‘ شرٹ جعلی ہے۔

میڈیا سے بات کرتے ہوئے، ڈیاگو میراڈونا کی بیٹی نے انکشاف کیا کہ ان کے والد کی “ہینڈ آف گاڈ” شرٹ کسی اور کے پاس ہے نہ کہ انگلینڈ کے سابق کھلاڑی سٹیو ہوج کے پاس ہے۔

لیجنڈ میراڈونا کی بیٹی نے کہا کہ نیلامی میں پیش ہونے والی شرٹ وہ نہیں ہے جو میرے والد نے ارجنٹائن کی طرف سے 1986 کے ورلڈ کپ میں انگلینڈ کے خلاف متنازع گول ’ہینڈ آف گول‘ کے وقت پہن رکھی تھی۔

 جرسی نمبر 10 کو مبینہ طور پر میراڈونا کی شرٹس کے طور پر نیلامی کے لئے پیش کیا گیا ہے جسے پہن کر سابق لیجنڈ  نے 1986 کے فیفا ورلڈ کپ میں انگلینڈ کے خلاف اپنا بدنام زمانہ “ہینڈ آف گاڈ” گول کیا تھا۔

کہا جاتا ہے کہ انگلینڈ کے سٹیو ہوج وہ خوش قسمت کھلاڑی ہیں کہ جنہوں نے میچ کے بعد ارجنٹائن کے عظیم کھلاڑی کے ساتھ جرسی کا تبادلہ کیا۔

اس شرٹ کو اب سابق ناٹنگھم فاریسٹ، ٹوٹنہم اور آسٹن ولا مڈفیلڈر ہوج نے نیلامی کے لیے پیش کیا گیا  ہے اور توقع ہے کہ یہ شرٹ 4 ملین پاؤنڈز تک کی خطیر رقم میں نیلام ہو سکتی ہے۔

دوسری جانب میراڈونا کے اہل خانہ نے میکسیکو میں لیجنڈ فٹ بالر کی شرٹ کی نیلامی پر سوالات کھڑے کر دیئے ہیں ان کا کہنا ہے کہ ’ہینڈ آف گاڈ‘ والی شرٹ اصل نہیں ہے۔