وزیراعلیٰ بلوچستان نے کہا ہے کہ وزیراعظم محمد شہباز شریف بلوچستان کی ترقی کو فوکس کرینگے۔
وزیراعلیٰ بلوچستان میر عبدالقدوس بزنجو سے جے یو آئی کے صوبائی امیر وفاقی وزیر ہاؤسنگ مولانا عبدالواسع کی ملاقات ہوئی جس میں سیاسی امور اور صوبے کے ترقیاتی معاملات پر تبادلہ خیال کیا گیا۔
اس موقع پر جے یو آئی کے صوبائی امیر وفاقی وزیر ہاؤسنگ مولانا عبدالواسع نے کہا کہ بلوچستان ہمارا گھر ہے ہم سب اسکے سود و زیاں میں یکساں شریک ہیں، صوبے میں آباد پشتون بلوچ سیٹلرز اور دیگر تمام اقوام یکساں حقوق کی حامل ہیں۔
مولانا عبدالواسع کا کہنا تھا کہ صوبے کے جس کونے میں ترقی ہو ہمیں خوشی ہوتی ہے، صوبے کی ترقی کے لئے بھرپور کردار ادا کرینگے۔
جے یو آئی کے صوبائی امیر وفاقی وزیر ہاؤسنگ مولانا عبدالواسع کا مزید کہنا تھا کہ آئندہ مالی سال کی وفاقی پی ایس ڈی پی کے لیۓ صوبائی حکومت کے تجویز کردہ منصوبوں کی منظوری کو یقینی بنایا جائے گا۔
ملاقات میں وزیراعلیٰ بلوچستان میر عبدالقدوس بزنجو نے وفاقی وزیر کو ریکو ڈک منصوبے کے حوالے سے بریفنگ دیتے ہوئے کہا کہ ریکو ڈک ملک کی تاریخ کا سب سے بڑا منصوبہ جس میں 8 ارب ڈالر کی سرمایہ کاری ہوگی۔
میر عبدالقدوس بزنجو نے کہا کہ وفاقی حکومت صوبے کے شمالی علاقوں کے لئے خصوصی پیکج دے ،منصوبے کی سرمایہ کاری کی رمنٹنس جلد شروع ہوجائے گی جس سے ملکی زرمبادلہ میں استحکام آئے گا۔
وزیراعلیٰ بلوچستان نے یہ بھی کہا کہ وزیراعظم نے اپنے پہلے دورہ بلوچستان میں چمن کراچی شاہراہ کا سنگ بنیاد رکھا، آئندہ مالی سال کی وفاقی پی ایس ڈی میں بلوچستان کے منصوبوں کو شامل کرنے کی لئے مولانا عبدالواسع اپنا کردار ادا کریں۔
میر عبدالقدوس بزنجو نے کہا کہ وفاقی حکومت سے بہت امیدیں وابستہ ہیں، توقع ہے کہ وزیراعظم محمد شہباز شریف بلوچستان کی ترقی کو فوکس کرینگے۔
انہوں نے یہ بھی کہا کہ ضلع شیرانی کے جنگلات سے لوگوں کا ذریعہ معاش وابستہ ہے، صوبائی حکومت جنگلات کی آگ سے متاثرہ افراد کے روزگار کی بحالی اور نقصانات کا ازالہ کریگی۔
وزیراعلیٰ بلوچستان میر عبدالقدوس بزنجو نے مزید کہا کہ وزیراعظم سے جنگلات کی آگ سے لوگوں کو پہنچنے والے نقصان کے ازالے کے لئے پیکج کی درخواست کرونگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News