حافظ نعیم الرحمان نے کہا ہے کہ کے الیکٹرک کا لائسنس منسوخ کیا جائے۔
امیر جماعت اسلامی کراچی حافظ نعیم الرحمان نے کہا ہے کہ کے الیکٹرک کے بیس سے زائد دفترز پر احتجاج ہو رہا ہے، کے الیکٹرک کا لائسنس منسوخ کیا جائے۔
انہوں نے کہا کہ اب حکومت کا کونسا جواز ہے کہ اس مافیا کو سینے سے لگائے بیٹھے ہیں، گزشتہ تمام حکومتوں نے اس مافیا کو سپورٹ کیا، کے الیکٹرک کے پرافٹ میں چھ سو فیصد اضافہ ہوگیا۔
حافظ نعیم الرحمان نے کہا ہے کہ اس مافیا کو بچانے کے لیے تمام پارٹیوں کے لوگ اوپر کی سطح تک شامل رہے ہیں، اس مافیا کے ساتھ مل کر کراچی کے ساتھ دشمنی کی جارہی ہے۔
امیر جماعت اسلامی کراچی نے کہا ہے کہ اس ادارے کو قومی تحویل میں لیا جائے، نیشنل گرڈ سے بجلی کی فراہمی کی جائے، بچوں کے امتحانات شروع ہوچکے ہیں اور بارہ بارہ گھنٹے لوڈشیڈنگ کی جا رہی ہے۔
انہوں نے کہا کہ کے الیکٹرک ابھی تک کوئی بھی پروجیکٹ کامیابی سے نہیں چلا سکی ہے، کے الیکٹرک کو سبسڈی اور گیس بھی فراہم کی جارہی ہے، جماعت اسلامی واحد جماعت ہے جو اس مافیا کے خلاف ہے۔
حافظ نعیم الرحمان نے کہا ہے کہ ہم شاہراہ فیصل پر تیس مئی کو دھرنا دیں گے، وزیر اعظم عمران خان نے بھی اعلان کیا تھا کہ یومیہ 650 گیلن پانی دیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News