جنوبی کوریا میں سالانہ ونٹر فشنگ فیسٹیول کا انعقاد
جنوبی کوریا میں سالانہ ونٹر فشنگ فیسٹیول کا انعقاد کیا گیا۔
تفصیلات کے مطابق سالانہ ونٹر فشنگ فیسٹیول کا انعقاد جنوبی کوریا میں کیا گیا جس میں ہزاروں ماہی گیر وں نے سخت سردی کے باوجود جمی ہوئی جھیل سے مچھلیاں پکڑیں۔
ونٹر فشنگ فیسٹیول میں جنوبی کوریا سمیت مختلف ممالک سے تعلق رکھنے والے85ہزار ماہی گیروں سمیت مقامی افراد اور سیاح شریک ہیں۔
جنوبی کوریا کی کاؤنٹی کی جمی ہوئی جھیل پر مچھلیاں پکڑنے کے سالانہ فیسٹیول میں شرکاء نے شدید سردی میں جمی ہوئی جھیل سے مچھلیاں پکڑ کر اس مقابلے کو خوب انجوائے کیا۔
یاد رہے کہ ہر سال کی طرح اس سال بھی منعقد ہونے والے اس دلچسپ میلے میں ماہی گیروں سمیت لوگوں کی بڑی تعداد نے بھی شرکت کی ہے۔
واضح رہے کہ ونٹر فشنگ فیسٹیول کا آغاز شرکاء کی ڈانس پرفارمنس سے ہوا جس نے فیسٹیول کی رونقوں میں چار چاند لگا دیئے۔
اس سے قبل چین کے شہر ہاربن میں36 واں آئس فیسٹیول سج گیا تھا۔
دنیا کے بڑے آئس فیسٹیولز میں سے ایک کا آغاز شمال مشرقی چین میں کیا گیا تھا جہاں جمے ہوئے قلعے، جگمگاتے برفیلے مجسمے اور بہت سے سنو مین رکھے گئے تھے۔
میڈیا رپورٹس میں بتایا گیا ہے کہ میلے میں مقامی اور غیر ملکیوں سمیت خواتین، بچے اور ہر شعبے سے تعلق رکھنے والے افراد شریک ہوئے تھے۔
شہریوں کی بڑی تعداد نے دیو قامت مجسموں کے ساتھ تصویریں بھی بنائیں ہیں ،اس فیسٹول میں ماہرین نے برف سے نہ صرف مجسمے بنائے بلکہ ریل اور عمارتوں کے ڈھانچے بھی کھڑے کیے جس میں مختلف طرز تعمیر کے نمونے ملتے ہیں۔
واضح رہے کہ برف سے سجا یہ فیسٹیول 6 لاکھ مربع میٹر پر پھیلا ہوا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News