کلونجی کا استعمال سنت نبوی بھی ہے اور ایشیائی ممالک اور مشرق وسطیٰ میں ان کا استعمال بہت زیادہ ہوتا ہے۔

کلونجی کے متعلق ارشاد نبوی صلی اللہ علیہ وسلم بھی ہے اور زمانہ قدیم سے یہ اطباء کے زیر استعمال بھی رہی ہے مگر فی زمانہ اب اس کے استعمال میں کمی کی وجہ اس سے متعلق معلومات کا مفقود ہونا ہے۔

کلونجی کے استعمال کی افادیت تو سب ہی جانتے ہیں لیکن وزن کم کرنے والی اشیاء میں اب کلونجی کے تیل کا بھی شمار کیا جانے لگا ہے۔

اس حوالے سے کی جانے والی ایک تحقیق میں بتایا گیا ہے کہ کلونجی کا تیل انسولین کے بننے کے عمل کو کنٹرول کرنے اور انسولین کی سطح کو مستحکم رکھنے میں مدد دینے والا تیل ہے۔

اس حوالے سے کی جانے والی ایک اور تحقیق میں انکشاف ہوا ہے کہ اس تیل میں موجود ایک اینٹی آکسائیڈنٹ ممکنہ طور پر جسمانی ورم یا سوجن میں کمی لاتا ہے۔

اس کے علاوہ  ایک جائزہ رپورٹ میں کلونجی کے تیل کو قدرتی طور پر جسمانی وزن کم کرنے والے موثر ٹوٹکوں میں سے ایک قرار دیا گیا تھا۔

کلونجی کا تیل کا افادیت:

کلونجی کا تیل گھنٹیا، جوڑوں کے درد، جلد کی غیرطبی دھبے صاف کرنے کے لیے بھی فائدے مند ہے۔

کلونجی کے تیل کی جلد پرمالش کرنے سے جلد کی رنگت نکھارتی ہے، گندگی دور کرتی ہے، ناک میں الٹرا پیوری فائیڈ ( انتہائی صاف شدہ تیل ) ٹپکایا جائے تو ناک کی جھلی سے لے کر دماغ کے پردوں تک کے اورام کو دور کرتا ہے کیونکہ ناک کی اندرونی جھلی بنیادی طور پر دماغی جھلی کی اضافی شکل ہے۔

 نیز روغن کلونجی بلڈ پریشر کو مفید ہونے کے علاوہ کولسٹرول کم کرنے ، وزن کم کرنے بھی بہت مفید ہے۔