گھروں میں قالین بچھانا کوئی روایت تو نہیں ہے لیکن پھر بھی لوگ اسے کمرے اور گھر کی خوبصورتی کا حصہ سمجھتے ہوئے بچھاتے ضرور ہیں۔

کچھ عرصہ قبل تو قالین صرف سادہ رنگوں میں ہی دستیاب ہوتے تھے ار ان کو بچھانے والے افراد کو بہت معتبر بھی سمجھا جاتا تھا لیکن اب یہ قالین الگ الگ طرز، کوالٹی اور مختلف ڈیزائنز میں دستیاب ہوتے ہیں ۔

 قالین وہ ریشمی یا دیگر دھاگوں سے بنا کمبل نما ٹکڑا ہوتا ہے جو کئی رنگوں، تصاویر، سینریوں یا پھر دیگر مناظر پر مشتمل ہو سکتا ہے اسی طرح یہ بھی ضروری نہیں کہ وہ آپ کے گھر کے کمرے کے مطابق ہو بلکہ اس کو صوفوں کے سامنے، لاؤنج میں، ڈرائنگ روم یا پھر بیڈ روم میں کسی خاص مقام پر دلکشی کے لیے بچھایا جاتا ہے۔

ان کو استعمال کرتے ہوئے کمروں کی کوبصورتی میں اضافہ کیا جاتا ہے۔

لیکن کیا آپ جانتے ہیں کہ قالین بچھاتے ہوئے کن باتوں کا خیال رکھنا چاہیئے؟ اگر نہیں تو آج کا یہ آرٹیکل ضرور پڑھیں۔

1۔ اگر آپ کے گھر میں بچے ہیں تو قالین بھی آپ کو گہرے رنگ کا منتخب کرنا چاہیئے۔

2۔ جس گھر میں افراد زیادہ ہوں وہاں قالین کو زیادہ بوجھ برداشت کرنا پڑتا ہے اس لیے ایسے گھروں کے لیے اونی اور نسبتاً موٹے قالین بہتر رہتے ہیں۔

3۔ قالین کی صفائی ضروری ہے اس لئے روز مرہ کی بنیاد پر اس کی صفائی کریں جبکہ سال میں ایک بار قالین کو اچھی طرح ضرور دھوئیں۔