کانٹیکٹ لینسز ایک ایسی ایجاد ہے جو کہ ناصرف انسان کی خوبصورتی میں اضافہ کرتی ہے بلکہ کم بینائی والے افراد کو بینائی میں مدد بھی کرتی ہیں۔

کانٹیکٹ لینسز کا استعمال درست طریقے سے نہ کیا جائے تو اس کے نقصانات بھی بہت ہیں۔

کانٹیکٹ لینسز کا استعمال کرنے والے افراد کو چند باتون کا خاص رکھنا بے حد ضروری ہوتا ہے کیونکہ معاملہ آخر آنکھوں کا ہے اور آنکھیں اللہ کی نعمت ہیں۔

1۔لینس اسٹوریج کنٹینر کا صاف رکھنا ضروری ہے

 لینس اسٹوریج کنٹینر کاصاف ہونا بھی انتہائی ضروری ہے۔

استعمال سے پہلے کنٹینر کودھو کر خشک کردیا جائے اور پھر اس میں کانٹیکٹ لینسوں کاپانی رکھنا چاہیئے۔

ایسا کرنے سےآنکھوں میں سوزش اور انفیکشن کے امکانات کم ہوجائیں گے۔

2۔ لینسز کی میعاد :

کانٹیکٹ لینسز کی میعاد ختم ہونے کا بھی خاص خیال رکھا جائے کیونکہ معیاد ختم ہوجانے پر یہ بالکل ناکارہ ہوجاتے ہیں اور آپکی آنکوں کو نقصان پہنچا سکتے ہیں۔

 اکثر لوگ لینسز کے معیار اور ان کی صفائی کی اہمیت سے واقف نہیں ہوتے ہیں ۔

خیال رہے کہ اگر لینسز لگانے کے بعد چُبھن یا تکلیف محسوس ہو تو فوراً اُتار دیں، تاکہ انفیکشن کی شکایت نہ ہو اور فوری طور پر معالج سے رابطہ کرلیں۔