وزیر اعظم عمران خان نے کشمیر کے متعلق امریکہ کے خیالات کی وضاحت کرتے ہوئے کہا ہے کہ صدر ٹرمپ کشمیر کے معاملے پرثالثی کیلئے سنجیدہ ہیں۔
اسلام آباد میں وزیر اعظم عمران خان نے پاکستان کے سینیئر صحافیوں سے گفتگو کرتے ہوئے کہا کہ بھارت مقبوضہ وادی میں نہتےکشمیریوں پرظلم کررہا ہے، آپ کو چاہئے کہ نہتے کشمیریوں پر بڑھتے ہوئے بھارتی مظالم سے اقوام عالم کو آگاہ کریں گے اور دنیا کو بھی بتائیں گے کہ مودی سرکار کشمیریوں کی نسل کشی کررہی ہے۔
وزیر اعظم نے مزید کہا کہ حکومت کشمیر کا معاملہ سیکیورٹی کونسل میں اٹھانے کے لئے قانونی پہلوؤں کا جائزہ لے رہی ہے۔
وزیر اعظم عمران خان نے بتایا کہ انہوں نے ہر مرتبہ نریندر مودی سے امن کے متعلق بات کی ہے۔
وزیر اعظم نے مودی کو ہٹلر کا طریقہ کار اختیار کرنے پر تنقید کا نشانہ بنایا اور کہا کہ بھارت کشمیر سے توجہ ہٹانےکے لئے کچھ بھی کرسکتا ہے جبکہ بھارت کی جانب سے مودی نے کشمیر کی حیثیت ختم کرکے اپنا آخری کارڈ کھیلا ہے، مودی اپنے نظریات پر عمل کرکے پاکستان کو کمزور کرنا چاہتا ہے۔
صحافیوں سے بات کرتے ہوئے وزیر اعظم کا کہنا تھا کہ پاک بھارت سرحدوں پر صورتحال مزید خراب ہونے کا خدشہ ہے جبکہ بھارت اس اقدام سے پاکستان کے لیے افغانستان میں امن کی کوشیوں کے حوالے سے کردار ادا کرنا مشکل ہوتا جارہا ہے۔
ابھارت مقبوضہ کشمیرمیں کارروائی کر کے پاکستان پرالزام لگائے گا لیکن پاکستان کشمیریوں کی سیاسی، سفارتی اوراخلاقی حمایت جاری رکھے گا۔
پلوامہ حملہ کے متعلق عمران خان نےصحافیوں کو بتایا کہ بھارت کی جانب سے پلوامہ واقعے کے بعد صورتحال سے فائدہ اٹھانے کی کوشش کی گئی ہے اور بھارت اب کشمیر میں نسل کشی کرنا چاہتا ہے جبکہ پلوامہ واقعے کے بعد پہلی بار دنیا نے پاکستان کا مؤقف سنا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News