ترک صدر رجب طیب اردوان آئندہ ماہ پاکستان کا دورہ کریں گے۔ ترک صدر کے دورے کی تفصیلات پاکستان اور ترکی کے وزارت خارجہ کےحکام طےکریں گے۔
سفارتی ذرائع کاکہناہے کہ ترک صدرطیب اردوان اکتوبر کےآخری ہفتے اسلام آباد پہنچیں گے۔ ترک صدر اسلام آباد میں پاک ترک اعلیٰ سطح کی تزویراتی تعاون کونسل کے اجلاس میں بھی شرکت کریں گے۔ سفارتی ذرائع کے مطابق پاک ترک اعلیٰ سطح کی تزویراتی تعاون کونسل کے اجلاس کی صدارت ترک صدرطیب اردوان اورعمران خان کی جانب سےمشترکہ طورپرکئےجانے کا امکان ہے۔
ذرائع کا مزیدکہاہے کہ اجلاس میں دو طرفہ تعاون مزیدفروغ پائےگاجبکہ دورے کے دوران باہمی تعلقات کے فروغ کے لیے تعاون کے مزید شعبوں کی تلاش بھی کی جائے گی۔
ذرائع کاخبردیتے ہوئےمزیدکہناہے کہ ترک صدر رجب طیب اردوان کے ہمراہ ایک بڑا وفد بھی ہوگاجس میں سرمایہ کار،نامور کاروباری شخصیات بھی پاکستان پہنچیں گی۔
سفارتی ذرائع کےمطابق ترک صدرپاکستان میں سرمایہ کاری سمیت کئی منصوبوں پرمفاہمت کی یادداشت پردستخط کریں گے۔
اس کے علاوہ ذرائع کا مزید کہناہے کہ دورہ پاکستان کےدوران ترک صدر وزیراعظم عمران خان، صدر مملکت عارف علوی،اسپیکر قومی اسمبلی اسد قیصر اور چئیرمین سینیٹ صادق سنجرانی سے ملاقاتیں کریں گےجس میں باہمی تعاون کےفروغ، دفاعی تعاون میں بہتری، افغانستان میں قیام امن، مشرق وسطیٰ کی صورتحال، ایران امریکاتنازع سمیت باہمی سرمایہ کاری میں اضافہ پرتبادلہ خیال کیا جائےگا۔
خیال رہے کہ ترک صدر کا دورہ ماضی میں تین مرتبہ تاخیر کا شکار ہوچکاہے۔ اس مرتبہ ترک صدر کو پاکستان کے دورے کی دعوت وزیر اعظم عمران خان کی جانب سے دی گئی تھی جو انہوں نے فوری قبول کرلی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News