وزیر داخلہ اعجاز شاہ نے کہا ہے کہ پاکستان کو سفارتکاروں کیلئے محفوظ ملک قراردیا جا چکا ہے۔
تفصیلات کے مطابق اسلام آباد میں میڈیا سے گفتگو کر تے ہوئے وزیر داخلہ اعجاز شاہ کا کہنا ہے کہ پاکستان کو سفارتکاروں کیلئے محفوظ ملک قراردیا جا چکا ہے، ڈپلومیٹک انکلیو کی سیکیورٹی کی بہتری کیلئے اقدامات کر رہے ہیں۔
وزیر داخلہ نے کہا کہ 9سال بعد پولیس کے محکمے میں بھرتیاں کی جار ہی ہیں، اسلام آباد پولیس میں 1260اہلکار بھرتی کیے جائیں گے۔
وزیر داخلہ اعجاز شاہ نے مقبو ضہ کشمیر کی کشیدہ صورتحال پر با ت کر تے ہوئے کہا کہ مقبوضہ کشمیر میں کرفیو کی وجہ سے حالات بہت خراب ہیں، مودی حکومت کشمیر کی صورتحال پر شدید دباؤ میں ہے۔
مو لا نا فضل الرحمان کے لانگ مارچ سے متعلق ان کا کہنا ہے کہ میں سمجھتا ہوں کہ مولانا فضل الرحمان لانگ مارچ کرنے نہیں آئینگے۔
وا ضح رہے کہ گزشتہ روز بھی وفاقی وزیر داخلہ اعجاز شاہ نے میڈیا سے گفتگو کرتے ہوئے کہا تھا کہ فضل الرحمان کے دھرنے کا وقت صحیح نہیں ، عمران خان کے دھرنے کے وقت صورتحال کچھ اور تھی، اسلام آباد کے بلیو ایریا میں دفعہ 144 نافذ ہے، میں سمجھتا ہوں فضل الرحمان 27 اکتوبر کو اسلام آباد نہیں آئیں گے۔
ان کا کہنا تھا کہ فضل الرحمان کے دھرنے کا وقت صحیح نہیں ہے، اسلام آباد آنے والے لوگ ملک کے خلاف آئیں گے،عمران خان نے جس وقت دھرنا دیا تھا وہ اور وقت تھا۔
وزیر داخلہ نے کہا کہ تین بار مسلم لیگ ن کے قائد نواز شریف کو وزیر اعظم بنا کر عوام کو کیا ملا؟ ان کو جائیدادیں بنانے کے لیے وزیر اعظم نہیں بنایا گیا تھا،مدارس میں اصلاحات کے لیے دنیاوی کتابیں بھی پڑھانے کا کہا ہے تاہم ان کی منسوخی کی اطلاعات غلط ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News