حکومت نے بچوں اور خواتین کے ساتھ زیادتی کرنے والوں کو نشان عبرت بنانے کے لیے آرڈیننس لانے کا فیصلہ کرلیا۔
تفصیلات کے مطابق وزیراعظم عمران خان سے وفاقی وزیرقانون فروغ نسیم اور وفاقی وزیر انسانی حقوق شیریں مزاری نے ملاقات کی۔ ملاقات میں بیرسٹر علی ظفر بھی شریک تھے۔
وزیراعظم نے زیادتی کے مجرموں کو سخت سزائیں دینے کے لیے آرڈیننس لانے کی ہدایت کرتے ہوئے کہا کہ بچوں اور خواتین کے ساتھ زیادتی کے مجرموں کے خلاف سخت قانون لایا جائے۔
عمران خان نے کہا کہ ایسا قانون لائیں کہ مثاثرہ خواتین یا بچے بلا خوف و خطر اپنی شکایات درج کرا سکیں۔قانون میں متاثرہ خواتین و بچوں کی پرائیویسی کے تحفط کا خاص خیال رکھا جائے۔
ان کا مزید کہنا تھا کہ ہم نے اپنے معاشرے کو محفوظ ماحول دینا ہے۔
ذرائع کا کہنا ہے کہ زیادتی کے مجرموں کو سخت سزائیں دینے کا آرڈیننس آئندہ کابینہ اجلاس میں پیش کیے جانے کا امکان ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News