پی ڈی ایم کی ہٹ دھرمی نے عوام کی زندگیوں کو داؤ پر لگا دیا

شبین رضا

03rd Dec, 2020. 11:55 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ڈی ایم کی ہٹ دھرمی نے عوام کی زندگیوں کو داؤ پر لگا دیا

وزیراعلیٰ پنجاب کا کہنا ہے کہ پی ڈی ایم کی ہٹ دھرمی نے عوام کی زندگیوں کو داؤ پر لگا دیا ہے۔

تفصیلات کے مطابق وزیراعلی پنجاب عثمان بزدار نے اپنے ایک بیان میں کہا کہ ملک میں کورونا وائرس کے سبب صورتحال بگڑ رہی ہے، ان حالات میں اجتماعات کرنا عوام سے دشمنی کے مترادف ہے۔

انھوں نے کہا کہ چوروں کے اس ٹولے کے دلو ں میں عوام کیلئے رتی بھر بھی درد نہیں ہے،اپوزیشن عناصر نے ثابت کیا ہے کہ ان کی سیاست کسی اصول یا نظریے کی بنیاد پر نہیں ہے۔

عثمان بزدار کا کہنا ہے کہ جلسوں کی وجہ سے کورونا کے پھیلاؤ میں بے پناہ ا ضافہ ہوا ہے، اپوزیشن کا غیر ذمہ دارانہ رویہ مایوس کن ہے، پی ڈی ایم کے عاقبت نااندیش عناصر نے پہلے کرپشن کا وائرس پھیلایا اور اب یہ کورونا وائرس پھیلانے کے ذمہ دار ہیں ، قوم اس ٹولے کے منفی بیانیہ کو رد کرچکے ہیں۔

ان کا مزید کہنا ہے کہ پی ڈی ایم کی انتشار کی سیاست دفن ہوچکی ہے۔