تحریک لبیک پاکستان کے مرکزی رہنما علامہ ڈاکٹر شفیق امینی نے اپوزیشن اتحاد پی ڈی ایم کے سربراہ مولانا فضل الرحمان کو سعد حسین رضوی کا خط پہنچایا ہے۔
تحریک لبیک پاکستان کے مرکزی رہنما علامہ ڈاکٹر شفیق امینی نے اسلام آباد میں پی ڈی ایم کے سربراہ مولانا فضل الرحمان سے ملاقات کی ہے۔
ملاقات کے دوران جے یو آئی (ف) کے قومی اسمبلی میں پارلیمانی لیڈر مولانا اسعد محمود بھی موجود تھے۔
اس موقع پر شفیق امینی نے ٹی ایل پی کے امیر سعد رضوی کی جانب سے لکھا گیا خط مولانا فضل الرحمان کو دیا۔
اس خبر کو بھی پڑھیے: لوگ تحریک لبیک کی وجہ سے جوتے اتار کر مدینہ جارہے ہیں، سعد رضوی
ٹی ایل پی کے سربراہ نے اپنے خط میں فرانسیسی سفیر کی ملک بدری کے معاملے پر پارلیمنٹ میں قرارداد پر بحث کے لئے لکھا ہے۔
ملاقات کے حوالے سے علامہ ڈاکٹر شفیق امینی نے کہا کہ ٹی ایل پی کا حکومت سے یہ معاہدہ ہوا تھا کہ فرانسیسی سفیر کی ملک بدری کے معاملے پر پارلیمانی کمیٹی
تشکیل دی جائے گی۔ جس میں حکومت اور اپوزیشن کے ارکان شامل ہوں گے۔
ڈاکٹر شفیق امینی نے کہا کہ اس معاملے پر اب تک پارلیمانی کمیٹی تشکیل ہی نہیں دی گئی۔اس حوالے سے اسپیکر قومی اسمبلی کا کہنا ہے کہ اپوزیشن جماعتوں کی جانب سے کمیٹی کے لئے ابھی تک نام نہیں دیئے گئے۔
معاہدے کا پس منظر
گزشتہ برس تحریک لبیک پاکستان نے گستاخانہ خاکوں سے فرانسیسی حکومت کے موقف پر سفیر کی ملک سے بے دخلی، اپنے امیر سعد رضوی کی رہائی اور دیگر مطالبات کے لئے لاہور سے اسلام آباد کی جانب لانگ مارچ شروع کردیا تھا۔
وزیر آباد کے قریب پڑاؤ کے دوران ہی مختلف علمائے کرام کی ثالثی میں ٹی ایل پی اور حکومت کے درمیان معاہدہ طے پایا تھا۔
معاہدے کے تحت ٹی ایل پی کے امیر سمیت دیگر رہنماؤں اور سیکڑوں کارکنوں کی رہائی عمل میں آئی تھی۔
اس کے علاوہ ٹی ایل پی کو کالعدم قرار دینے کا فیصلہ بھی واپس لے لیا گیا تھا۔
اس خبر کو بھی پڑھیے: سعد رضوی کا نام فورتھ شیڈول کی فہرست سے خارج
معاہدے کی رو سے فرانسیسی سفیر کی ملک بدری کے معاملے پر پارلیمانی کمیٹی تشکیل دی جانی تھی لیکن یہ کمیٹی اب تک تشکیل ہی نہیں دی گئی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News