سربراہ پاک فضائیہ ائیر چیف مارشل ظہیر احمد بابر سدھو نے کہا ہے کہ پاک فضائیہ خطے میں ہونے والی جیو اسٹریٹجک پیشرفت سے پوری طرح باخبر ہے۔
ترجمان پاک فضائیہ کے مطابق سربراہ پاک فضائیہ ائیر چیف مارشل ظہیر احمد بابر سدھو نے آپریشنل ائیر ڈیفینس مشق کا معائنہ کیا۔
سربراہ پاک فضائیہ نے جارحانہ اور دفاعی فورسز کی آپسی ہم آہنگی، اشتراک اور آرمی ائیر ڈیفنس کے ساتھ انکی مشترکہ کارروائیوں کا معائنہ کیا۔
ترجمان پاک فضائیہ نے کہ پاک فضائیہ کی مشق کا مقصد مستقبل میں کسی بھی حقیقی خطرے کے پیشِ نظر امپلائمنٹ کے جدید عسکری تصورات کو پرکھنا تھا، پاک فضائیہ کے آپریشنل اثاثہ جات بشمول لڑاکا طیارے، ایئر ڈیفنس ایلیمنٹس، فورس ملٹی پلائرز اور بیٹل مینجمنٹ سینٹرز نے مشق میں حصہ لیا، سربراہ پاک فضائیہ نے عسکری مشق کے تناظر میں ایک آپریشنل ایئر بیس کا بھی دورہ کیا۔
پاک فضائیہ کے ترجمان نے کہا کہ ائیر چیف نے پاک فضائیہ کی مجموعی جنگی تیاریوں پر بھی اطمینان کا اظہار کیا۔
ائیر چیف نے پاک فضائیہ کے آپریشنل کنسٹرکٹ کے تناظر میں پی اے ایف کے فضائی بیڑے میں نئے شامل کردہ ان مینڈ ایریل سسٹمز کی کارکردگی کا جائزہ لیا۔
سربراہ پاک فضائیہ کا اس موقعے پر کہنا تھا کہ عصر حاضر میں ان مینڈ ایریل سسٹمز نے فورس ملٹی پلائرز کی حیثیت اختیار کر لی ہے جو جدید دور کے عسکری تنازعات اور جنگوں میں حتمی و فیصلہ کن کردار ادا کر سکتے ہیں، پاک فضائیہ خطے میں ہونے والی جیو اسٹریٹجک پیشرفت سے پوری طرح باخبر ہے۔
ائیر چیف مارشل نے کہا کہ پاک فضائیہ پاکستان کی خودمختاری، ملکی سالمیت اور پاکستانی سرحدوں کے دفاع کے لیے پوری طرح تیار ہے، ہماری توجہ نیش ٹیکنالوجیز کے حصول، مؤثر تربیت اور بہترین انسانی وسائل کی سمارٹ انڈکشن کے ذریعے آپریشنل صلاحیتوں کی مسلسل جدت طرازی پر مرکوز ہے۔
ظہیر احمد بابر سدھو نے کہا کہ پاک فضائیہ افواجِ پاکستان کے شانہ بشانہ دشمن کی کسی بھی مذموم مہم جوئی کا منہ توڑ جواب دینے کے لیے ہمہ وقت تیار ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News