لاہور ہاٸی کورٹ نے تحریک انصاف کا لانگ مارچ رکوانے کی درخواست کا تحریری فیصلہ جاری کر دیا

شیخ عبدالرعی

22nd Nov, 2022. 07:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور ہاٸی کورٹ نے تحریک انصاف کا لانگ مارچ رکوانے کی درخواست کا تحریری فیصلہ جاری کر دیا

لاہور ہاٸی کورٹ نے پاکستان تحریک انصاف کا لانگ مارچ رکوانے کی درخواست کا تحریری فیصلہ جاری کر دیا ہے۔

تفصیلات کے مطابق جسٹس جواد حسن نے تاجر نعیم میر کی درخواست پر آٹھ صفحات کا فیصلہ جاری کیا۔

عدالت نے درخواست نمٹاتے ہوئے ہدایت کی کہ درخواست گزار آٸی جی پنجاب کے روبرو درخواست داٸر کرے، آٸی جی پنجاب ایک ہفتے میں قانون کے مطابق درخواست کا فیصلہ کریں۔

عدالت نے قرار دیا کہ عوام کی جان ومال کا تحفظ پولیس کی ذمہ داری ہے، پولیس کی ذمہ داری ہے کہ شاہراہوں، عوامی اور مذہبی مقامات پر روڈ نہ بند ہونے دے، پولیس پبلک مقامات پر خواتین اور بچوں کو ہراساں کرنے سے روکے۔

تفصیلی فیصلے میں کہا گیا ہے کہ لانگ مارچ کی وجہ سے جی ٹی روڈ کے شمالی جانب آمد و رفت اور سامان کی ترسیل میں رکاوٹیں ہیں، عدالت پہلے ہی کاروبار اور نقل و حرکت کے بنیادی حق کے تحفظ پر فیصلے دے چکی ہے، پرامن احتجاج ہر شہری کا بنیادی حق ہے، عدالتی فیصلوں کے مطابق یہ حق اس وقت ختم ہو جاتا ہے جب دوسرے کا کاروبار اور نقل و حرکت کا حق شروع ہو۔

واضح رہے کہ درخواست گزار نے لانگ مارچ کو روکنے کی استدعا کی تھی۔