ترجمان دفتر خارجہ ممتاز زہرا بلوچ نے کہا ہے کہ پاکستان نے افغان حکام پر زور دیا کہ وہ افغانستان میں طالبات کے لیے یونیورسٹی اور اعلیٰ تعلیم معطل کرنے کے فیصلے پر نظرثانی کریں۔
افغانستان میں خواتین پر اعلیٰ تعلیم کے دروازے بند کرنے سے متعلق ترجمان دفتر خارجہ نے اپنے جاری کردہ بیان میں کہا کہ افغانستان میں طالبات کے لیے یونیورسٹی اور اعلیٰ تعلیم کی معطلی کے فیصلے سے مایوسی ہوئی ہے۔
🔊: PR NO. 5️⃣6️⃣4️⃣/2️⃣0️⃣2️⃣2️⃣
Pakistan urges Afghan authorities to revisit the decision to suspend university and higher education for female students in Afghanistan
Advertisement🔗⬇️https://t.co/QBnrQh9K2q pic.twitter.com/ohiJ5eztUi
— Ministry of Foreign Affairs – Pakistan (@ForeignOfficePk) December 21, 2022
ممتاز زہرا بلوچ نے کہا کہ اس معاملے پر پاکستان کا موقف واضح اور مستقل رہا ہے، ہمارا پختہ یقین ہے کہ ہر مرد اور عورت کو اسلام کے احکامات کے مطابق تعلیم حاصل کرنے کا فطری حق حاصل ہے۔
دفتر خارجہ کی ترجمان نے مزید کہا کہ ہم افغان حکام پر زور دیتے ہیں کہ وہ اس فیصلے پر نظر ثانی کریں۔
افغانستان میں خواتین پر اعلیٰ تعلیم کے دروازے بند کردیے گئے
خیال رہے کہ افغانستان میں خواتین پر اعلیٰ تعلیم کے دروازے بند کردیے گئے ہیں اور ان پر یونیورسٹیوں میں داخلے پر پابندی کا سرکاری حکم نامہ جاری کردیا گیا ہے۔
غیر ملکی میڈیا کے مطابق افغانستان میں طالبان حکومت نے خواتین پر اعلیٰ تعلیم کے دروازے بند کرتے ہوئے ان کے یونیورسٹیز میں داخلے پر پابندی عائد کردی ہے۔
اس حوالے سے افغان وزارت تعلیم کی جانب سے پابندی کا نوٹیفکیشن بھی جاری کردیا ہے جب کہ پابندی کے جاری نوٹیفکیشن میں جامعات کی انتظامیہ کو خواتین کو داخلہ نہ دینے کی ہدایت کی گئی ہے۔
یہ بھی پڑھیں: افغانستان میں خواتین کے حوالے سے نئے قوانین کا اعلان
رپورٹ کے مطابق طالبان حکومت کا یہ حکم فوری طور پر لاگو ہوگا اور اس پر اگلے احکامات تک حکم جاری رہے گا۔
یہ حکم نامہ جاری ہونے کے بعد خواتین اب ویٹرنری سائنس، انجینئرنگ، اکنامکس اور زراعت کی تعلیم حاصل نہیں کرسکیں گی جب کہ شعبہ صحافت میں جانا بھی ان کا مشکل ہوگیا ہے۔
دوسری جانب امریکا نے طالبان حکومت کے اس اقدام کی مذمت کرتے ہوئے مطالبہ کیا ہے کہ افغان انتظامیہ یہ نوٹس فوری طور پر واپس لے اور خواتین کو تعلیم حاصل کرنے کا حق دے۔
یہ بھی پڑھیں: افغانستان میں خواتین صحافی اپنے مستقبل کے حوالے سے فکر مند
ترجمان اقوام متحدہ نے بھی اس پر ردعمل دیتے ہوئے کہا ہے کہ افغان طالبان نے ایک اور وعدہ خلافی کی ہے، یہ ایک انتہائی پریشان کن اقدام ہے۔
پاکستان نے بھی افغان طالبان کی جانب سے خواتین کے لیے یونیورسٹی اور اعلیٰ تعلیم معطل کرنے کے فیصلے پر مایوسی کا اظہار کرتے ہوئے کہا ہے کہ ہر مرد و عورت کو اسلامی احکامات کے مطابق تعلیم حاصل کرنے کا فطری حق حاصل ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News