اسلام آباد میں محرم الحرام میں دہشت گردی کا ممکنہ خطرہ ہے جس کے پیش نظر سیکیورٹی ہائی الرٹ کر دی گئی ہے۔

تفصیلات کے مطابق انتظامیہ کی جانب سے یکم محرم الحرام سے 10 محرم الحرام تک ریڈ زون میں موٹر سائیکل کے داخلہ پر پابندی کرنے کا فیصلہ کیا گیا ہے۔

انتظامیہ کا صبح 7 بجے سے شام 7 بجے تک ریڈ زون میں داخلے کے لیے شٹل سروس مہیا کیے جانے کا امکان ہے جبکہ ریڈ زون میں موٹر سائیکل سواروں کی پابندی کے باعث سرکاری ملازمین خوار ہو گئے۔

سرکاری ملازمین کا کہنا ہے کہ ملازمین میں شدید غم وغصہ فریاد کریں بھی تو کس سے کریں، حکومت کے اس فیصلہ نے خوار کر کے رکھ دیا کئی برسوں سے سرکاری ملازم ہیں لیکن آج حکومت کے اس طرز عمل پر افسوس ہو رہا ہے۔

ملازمین نے مزید کہا کہ موٹر سائیکل غریب کی سواری ہے پیٹرول بھی اتنا مہنگا ہے گاڑی افورڈ نہیں کر سکتے کیا کریں، حکومت کی جانب سے موٹر سائیکل کی پارکینگ کا بھی کوئی انتظام نہیں اگر موٹر سائیکل چوری ہو گئی تو کون ذمہ دار ہوگا۔

کراچی میں محرم الحرام سے متعلق سیکیورٹی پلان تیار

دوسری جانب کراچی شہر میں محرم الحرام کے دوران 15 ہزار 287 افسران و اہلکار سیکیورٹی پر تعینات کئے جائیں گے، 305 امام بارگاہوں کو حساس اور 62 کو انتہائی حساس قرار دیا گیا ہے جبکہ سندھ بھر میں پولیس کے زیر تربیت اہلکار بھی ڈیوٹی انجام دیں گے۔

محرم الحرام کے دوران ڈسٹرکٹ ایسٹ میں 7 ہزار 50، ویسٹ میں 5 ہزار 940 اور ساؤتھ میں 2 ہزار 297 افسران و اہلکار محرم کی ڈیوٹی سرانجام دیں گے۔

ڈسٹرکٹ ایسٹ کی امام بارگاہوں پر 448 اور مجالس پر 2306 افسران و اہلکار جبکہ ویسٹ کی امام بارگاہوں پر 506 اور مجالس پر 906 اور ساؤتھ کی امام بارگاہوں پر 284 اور مجالس پر 783 افسران و اہلکار سیکیورٹی پر معمور ہوں گے۔

شہر کے انتہائی حساس مقامات پر 1267 افسران و جوان فرائض سر انجام دینگے جبکہ اسپیشل سیکیورٹی یونٹس پر ماہر اسنائپرز مرکزی جلوس کے اطراف اور گزرگاہوں پر تعینات کئے جائیں گے۔

عوام سے اپیل ہے کہ اپنے اردگرد نظر رکھیں اور کسی بھی مشکوک اور غیر معمولی صورت حال سے پولیس کو مددگار 15 پر فوری اطلاع دیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں