یورپی یونین نے پاکستان کے لیے 16 کروڑ یورو قرض کی منظوری دے دی ہے۔
پاکستان کو یہ رقم یورپی انویسٹمنٹ بینک کے ذریعے فراہم کی جائے گی، 10 کروڑ یورو سندھ میں سیلاب سے متاثرہ لوگوں کے لیے استعمال ہوں گے۔
سندھ میں 2022 کے متاثرین کے لیے 21 لاکھ گھر تعمیر کیے جائیں گے اور رقم سے صوبے میں قدرتی آفات سے محفوظ گھر بھی تعمیر کیے جائیں گے۔
اس کے علاوہ 6 کروڑ یورو کراچی میں پانی کی سپلائی بہتر کرنے پر خرچ ہوں گے، رقم واٹر انفرااسٹرکچر میں بہتری کے لیے استعمال ہو گی۔
واضح رہے کہ یورپی انویسٹمنٹ بینک کی 10 سال بعد پاکستان میں بڑی سرمایہ کاری ہے۔
