اسلام آباد: ترجمان دفتر خارجہ نے بتایا کہ امریکا اور ایران کے درمیان معاہدے کی الیکٹرانک دستخط کی تقریب کل ہوگی۔
ترجمان دفتر خارجہ کے مطابق نائب وزیراعظم اور وزیر خارجہ اسحاق ڈار اور سعودی وزیر خارجہ کے درمیان ٹیلیفونک رابطہ ہوا جس میں امریکا اور ایران کے درمیان جاری مذاکرات سمیت خطے کی مجموعی صورتحال پر تبادلہ خیال کیا گیا۔
دفتر خارجہ کا کہنا ہے کہ دونوں رہنماؤں نے امریکا اور ایران کے درمیان مذاکرات کے آخری مراحل میں داخل ہونے کا خیرمقدم کیا۔
ترجمان نے بتایا کہ امریکا اور ایران کے درمیان معاہدے کی الیکٹرانک دستخط کی تقریب کل منعقد ہوگی۔ یہ اہم پیش رفت خطے میں پائیدار امن اور استحکام کے فروغ میں معاون ثابت ہوگی۔
ترجمان دفتر خارجہ کا کہنا تھا کہ گفتگو کے دوران سعودی وزیر خارجہ نے مذاکراتی عمل میں مصالحت اور مکالمے کے فروغ کے لیے پاکستان کی کوششوں کو سراہا۔
ترجمان نے مزید بتایا کہ دونوں رہنماؤں کے درمیان رواں ماہ کے آخر میں مصر میں ہونے والے چار ملکی وزرائے خارجہ اجلاس سے متعلق امور پر بھی تبادلہ خیال کیا گیا۔
