پاکستان سپرلیگ (پی ایس ایل) 6 کے چوتھے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دے دی ہے۔
کراچی کے نیشنل اسٹیڈیم میں کھیلے جارہے میچ میں لاہور قلندرز کے کپتان سہیل اختر نے ٹاس جیت کر پہلے فیلڈنگ کا فیصلہ کیا جو کہ درست فیصلہ ثابت ہوا۔
کوئٹہ گلیڈی ایٹرز نے مقررہ 20 اوورز میں 6 وکٹوں کے نقصان پر 178 رنز بنائے۔
بیٹنگ میں کوئٹہ کی اننگز کا آغاز اچھا نہ تھا تاہم 2 وکٹیں گرنے کے بعد کپتان سرفراز احمد اور کرس گیل نے ذمہ داری سے بیٹنگ کی اور ٹیم کو مستحکم پوزیشن فراہم کردی۔
کوئٹہ کی جانب سے بیٹنگ میں کرس گیل 68 رنز بنا کر نمایاں رہے جبکہ سرفراز احمد 40 رنز اور محمد نواز 33 رنز بنا کر دیگر نمایاں بیٹسمین رہے۔
بولنگ میں لاہور قلندرز کی جانب سے حارث رؤف نے شاندار بولنگ کرتے ہوئے 3 کھلاڑیوں کو آؤٹ کیا جبکہ شاہین شاہ آفریدی، راشد خان اور احمد دانیال نے ایک، ایک وکٹ حاصل کی ۔
ہدف کے تعاقب میں لاہور قلندرز کی جانب سے شاندار بیٹنگ کا مظاہرہ کیا گیا ہے۔
لاہور قلندرز کی جانب سے بیٹنگ میں فخر زمان اور محمد حفیظ نے ذمہ دارانہ اننگز کھیلی اور اپنی ٹیم کو جتوانے میں دونوں نے اہم کردار ادا کیا۔
بیٹنگ میں لاہور کی جانب سے فخر زمان نے 82 رنز بنائے جبکہ محمد حفیظ نے جارحانہ اننگ کھیل کر 73 رنز بنائے۔
بولنگ میں کوئٹہ کی جانب سے کوئی خاطر خواہ کارکردگی نہ دکھا سکا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News