سہ فریقی سیریز کھیلنے کے لیے قومی کھلاڑی ان دنوں نیوزی لینڈ میں موجود ہیں۔
پاکستان کرکٹ ٹیم سہ فریقی سیریز کھیلنے کے لیے گذشتہ روز نیوزی لینڈ پہنچ گئی ہے، جہاں ان کا مقابلہ بنگلادیش اور میزبان ٹیم نیوزی لینڈ سے ہوگا۔
قومی اسکواڈ میں شامل کھلاڑی آج ایک روز آرام کے بعد کل سے ٹریننگ کا آغاز کریں گے۔
یہ بھی پڑھیں: سہ فریقی سیریز کی چمچماتی ٹرافی کی رونمائی کردی گئی
نیوزی لینڈ سے قومی ٹیم کے نائب کپتان شاداب خان نے بابر اعظم اور حارث رؤف کے ساتھ اپنی تصویر شیئر کی ہے جس کے کیپشن میں انہوں نے لکھا کہ ’ہائے امی جی سردی‘۔
https://twitter.com/76Shadabkhan/status/1577424401683091456
تصویر میں دیکھا جاسکتا ہے کہ نیوزی لینڈ میں سردی زیادہ ہونے کی وجہ سے قومی کھلاڑیوں نے گرم سوٹ زیب تن کیے ہوئے ہیں۔
اس تصویر کو مداحوں کی جانب سے بھی خوب پسند کیا جارہا ہے اور مزے مزے کے تبصرے دیکھنے کو مل رہے ہیں۔
واضح رہے کہ سہ فریقی سیریز کا آغاز 7 اکتوبر بروز جمعہ سے ہوگا جس کا افتتاحی میچ پاکستان اور بنگلادیش کی ٹیموں کے درمیان کھیلا جائے گا۔
سہ فریقی سیریز کے میچز کرائسٹ چرچ میں کھیلے جائیں گے جو کہ 14 اکتوبر تک جاری رہیں گے۔
یہ بھی پڑھیں: پاکستان ٹیم سہ فریقی سیریز کے لیے نیوزی لینڈ پہنچ گئی
سیریز کا دوسرا میچ 8 اکتوبر کو پاکستان اور نیوزی لینڈ کے درمیان ہوگا جب کہ 9 اکتوبر کو نیوزی لینڈ اور بنگلادیش کی ٹیمیں مدمقابل ہوں گی۔
چوتھا میچ 11 اکتوبر کو نیوزی لینڈ اور پاکستان کے درمیان ہوگا جب کہ پانچواں میچ نیوزی لینڈ اور بنگلادیش اور چھٹا میچ پاکستان اور بنگلادیش کے درمیان کھیلا جائے گا۔ سہ فریقی سیریز کا فائنل 14 اکتوبر کو ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News