قومی بیٹر افتخار احمد نے نیشنل ٹی ٹوئنٹی کپ کے لیے ٹی ٹین لیگ کھیلنے سے انکار کردیا۔
قومی ٹیم کے مڈل آرڈر بیٹر افتخار احمد کہتے ہیں ’’میرا ٹی ٹین لیگ سے معاہدہ تھا لیکن میں نے ڈومیسٹک کرکٹ کھیلنے کی وجہ سے معاہدہ منسوخ کردیا‘‘۔
انہوں نے کہا ’’میں ڈومیسٹک کرکٹ کھیلنے کے بعد ہی پاکستان کے لیے کھیلا ہوں اور پاکستان کے لیے کھیلنا ہی میرے لیے عزت کا باعث ہے‘‘۔
ان کا مزید کہنا تھا ’’بطور کھلاڑی اور پروفیشنل مجھے بھی یہاں کھیل کر ڈومیسٹک کرکٹرز اور پاکستان کا احترام کرنا چاہیے‘‘۔
یاد رہے کہ افتخار احمد کو 28 دسمبر سے شروع ہونے والی ابوظہبی ٹی ٹین لیگ کے لیے بنگلا ٹائیگرز نے سائن کیا تھا تاہم انہوں نے پاکستان میں ہی ڈومیسٹک کرکٹ کھیلنے کو ترجیح دی۔
دوسری جانب آل راؤنڈر عماد وسیم نے نیشنل ٹی ٹوئنٹی کپ سے علیحدگی اختیار کرتے ہوئے ابوظہبی ٹی ٹین لیگ میں شرکت کرنے کا فیصلہ کیا ہے۔
واضح رہے کہ ابو ظہبی ٹی ٹین لیگ میں 8 ٹیمیں شامل ہوں گی جب کہ ٹورنامنٹ کے تمام میچز شیخ زید کرکٹ اسٹیڈیم میں کھیلے جائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News