کرپٹو کرنسی کے لئے مانا جاتا ہے کہ یہ دنیا کا مستقبل ہے اور آنے والے وقتوں میں پیسے کے بجائے اسی پر تجارتی امور طے پائے جائینگے۔
یہی وجہ ہے کہ اسکی مقبولیت میں اضافہ ہوتا جارہا ہے اور اس کی مدد سے ٹریڈنگ بھی کی جارہی ہے۔
اسی سوچ کو دماغ میں رکھتے ہوئے پاکستان کے 26 سالہ کاروباری شہری نے لندن میں برطانیہ کا پہلا کرپٹو چائے کیفے کا آغاز کیا ہے ۔
اس کیفے میں کرپٹو کرنسی کے عوض چائے دی جائیگی جبکہ کیفے کے NFTخریدنے والوں کو 10 فیصد رعایت بھی دی جائیگی۔
26 سالہ طیب شفیق نے اپنے کیفے کو ٹرک آرٹ سے سجا گیا ہے جو کہ لاہور میں بہت زیادہ مشہور ہے۔
طیب شفیق نے بتایا ہے کہ ہمارے پاس مسالہ چائے، الائیچی چائے، دار چینی کی چائے ہے، جبکہ کشمیری چائے ہماری سب سے زیادہ فروخت ہونے والی چیز ہے۔
اسکے علاوہ چکن ٹِکہ ریپ، چکن بریانی، سیخ کباب ریپ مینومیں شامل کرتے ہیں تاہم سموسے اور چائے ریسٹورینٹ کا سب سے پسندیدہ کامبو ہے۔
انہوں نے بتایا ہے کہ یہاں کیک بھی بنائے جاتے ہیں، جن میں ریڈ ویلوٹ کیک، لوٹس بسکاف، اور پستے کے دودھ کا کیک بھی شامل ہے جو بہت مشہور ہیں۔
اس نے وضاحت کی کہ اس کا بزنس ماڈل کس طرح کام کر رہا ہے اور بتایا ہے کہ “یہ کیفے بزنس ماڈل اپنی نوعیت میں سے ایک ہے۔ اس کے پاس NFT پر مبنی فرنچائزنگ ماڈل ہے، جو دنیا کا پہلا ماڈل ہے جہاں کوئی پریمیم NFTs حاصل کر کے ہماری فرنچائز خرید سکتا ہے تاکہ یہ کسی کو ایک خصوصی ٹوکن ہولڈر بنا سکے۔”
“اس کے علاوہ، ہم Metaverse کیفے کھول رہے ہیں، جو پہلے کبھی نہیں کیا گیا تھا۔ یہ Metaverse کیفے پہلا ہو گا جو زائرین کو پیشہ ورانہ یا ذاتی/تفریحی مقاصد کے لیے ورچوئل میٹنگز کرنے کی اجازت دے گا۔”
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News