ملک کے بیشتر علاقوں میں آج موسم سرد اور خشک جبکہ شمالی علا قہ جات میں شدید سرد رہے گا۔

محکمہ مو سمیات کے مطابق آئندہ چو بیس گھنٹوں کے دوران ملک کے بیشتر علاقوں میں موسم سرد اور خشک رہنے کا امکان ہے۔

آج موسم سرد اورخشک رہنے کی پیشگوئی

ذرائع کے مطابق شہر قائد میں سردی کی لہرآج بھی  برقراررہے گی جبکہ کم سے کم درجہ حرارت 13 ڈگری سینٹی گریڈ رہے گا۔

 محکمہ موسمیات نے بھی کراچی میں سردی بڑھنے کی پیش گوئی کردی ہے، شہر میں اس بار سردی کی لہر آئندہ کئی روز تک جاری رہنے کا امکان ہے۔

اس کے سا تھ ساتھ کراچی میں آج ذیادہ سے ذیادہ درجہ حرارت 25 ڈگری سینٹی گریڈ تک جانے کا امکان ہےتاہم ہوا میں نمی کا تناسب 44 فیصد ہے۔

ذرائع کے مطابق کرا چی میں 28 کلومیٹر فی گھنٹہ کی رفتار سے ہوائیں چل رہی ہیں۔

کراچی میں گزشتہ دو روز سے دن میں تیز دھوپ کے باعث سردی میں کمی آئی ہے لیکن دن ڈھلتے ہی موسم پھر سےسرد ہونا شروع ہو جاتا ہے اور رات کے اوقات میں سردی بڑھ جاتی ہے۔

دوسری جانب پنجاب کے میدانی علا قوں میں رات اور صبح کے وقت دھند پڑنے کا امکان ہے۔

واضح رہے کہ گذشتہ دن بھی ملک بھر میں موسم سرد اور خشک ہی رہا۔

اک نظرآج ریکارڈ کیے گئے کم سے کم درجہ حرارت پر

سکردو منفی 15، بگروٹ، گو پس منفی 12، پاراچنار منفی 09، استور منفی 08، مالم جبہ منفی 07، قلا ت ، کالام منفی 06، مری منفی 04، ڈگری سینٹی گریڈ