ملک میں کہاں کہاں بارش ہوگی؟ محکمہ موسمیات کی اہم پیشگوئی

ویب ڈیسک

17th Apr, 2024. 03:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں کہاں کہاں بارش ہوگی؟ محکمہ موسمیات کی اہم پیشگوئی

بلوچستان کے مختلف علاقوں میں تیز ہواؤں اور گرج چمک کے ساتھ بارش اور ژالہ باری کا امکان ہے۔

تفصیلات کے مطابق محکمہ موسمیات کی جانب سے جاری کردہ ایک بیان میں کہا گیا کہ ملک کے بیشتر علاقوں کے برعکس بلوچستان میں بیشتر مقامات پر آندھی، موسلا دھار بارش اور ژالہ باری کا امکان ہے۔

گوادر، کیچ، آواران، چاغی، خاران، پسنی ، اورماڑہ، لسبیلہ، خضدار، قلات، سمیت دیگر علاقوں میں گرج چمک کے ساتھ بارش اور ژالہ باری کا بھی امکان ہے۔

محکمہ موسمیات نے بتایا کہ اسلام آباد، مری، گلیات میں موسم خشک اور مطلع جزوی ابرآلود رہے گا، شام اور رات میں وزیرستان، ٹانک، بنوں میں گرج چمک کے ساتھ بارش کا امکان ہے۔

شہر قائد میں مطلع اس وقت ابر آلود ہے، شہر میں آج رات ہلکی سے درمیانی شدت کی بارش متوقع ہے۔

محکمہ موسمیات کا کہنا ہے کہ 18 سے 19 اپریل کو شہر کے کئی علاقوں میں ہلکی سے درمیانی شدت کی بارش کا امکان ہے جبکہ کچھ علاقوں میں موسلا دھار بارش بھی متوقع ہے۔