جنوبی بحر اوقیانوس پر واقع ملک سولومن آئی لینڈ میں مظاہرین نے احتجاج کے دوران ملک کے وزیر اعظم کی ملکیتی عمارت کو ہی آگ لگادی۔
غیر ملکی خبر ایجنسی کے مطابق آسٹریلیا کے قریب جنوبی بحر اوقیانوس میں واقع ملک سولومن آئی لینڈز کے دارالحکومت ہونیارا میں گزشتہ کئی دنوں سے پر تشدد مظاہرے جاری ہیں، احتجاج کے دوران مظاہرین نے جہاں سرکاری املاک کو نشانہ بنایا وہیں وزیر اعظم کی ملکیتی عمارت کو بھی نہ چھوڑا اور عمارت کو آگ لگادی۔
حکومت نے پر تشدد احتجاج کو روکنے کے لیے دارالحکومت میں شام 7 بجے سے صبح 6 بجے تک کا کرفیو نافذ کردیا ہے، پولیس نے مظاہرین کو متنبہ کیا ہے کہ کرفیو کی خلاف ورزی کرنے والے کے ساتھ سختی سے نمٹنا جائے گا۔
سولومن آئی لیندز میں امن و امان کی صورت حل کو بہتر بنانے کے لیے آسٹریلیا نے اپنی پولیس کے دستے بھیجے ہیں، اس کے علاوہ پاپوا نیو گنی سے بھی پولیس اہلکار بلائے گئے ہیں۔
مقامی خطے کے سیاسی محرکات پر نظر رکھنے والے ماہرین کا کہنا ہے کہ سولومن آئی لینڈ میں احتجاج کی بڑی وجہ حکومت کی جانب سے چین کی جانب جھکاؤ ہے۔ سولومن آئی لینڈز کے وزیر اعظم مناسے سوگاوارے نے بھی کہا ہے کہ پرتشدد احتجاج کے پیچھے بیرونی طاقتوں کا ہاتھ ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News