سویڈن کی پارلیمنٹ میں مسئلہ فلسطین پر جذباتی مناظر دیکھنے کو ملے جب اپوزیشن لیڈر ماگدلینا ایندرسن آبدیدہ ہوگئیں۔
سوشل ڈیموکریٹس سے تعلق رکھنے والے فلسطینی نژاد سیاستدان جمال الحاج نے رواں برس فلسطینیوں کے حق میں ایک کانفرنس میں شرکت کی جس پر پارلیمنٹ میں بحث چھڑ گئی۔
وزیراعظم اولف کرسترسن نے پارلیمانی بحث کے دوران کہا کہ سوشل ڈیموکریٹس کے فلسطینی نژاد سیاستدان ایک ٹیرر رومینٹک شخصیت ہیں۔
جواب میں سوشل ڈیموکریٹس کی پارٹی لیڈر اور سابقہ وزیراعظم ماگدلینا ایندرسن نے کہا کہ کیا آپ جمال الحاج پررومانوی دہشت گردی کا الزام عائد کررہے ہیں؟ کیا آپ کو پتا ہے کہ ان کے بیٹے کی بیوی کے پورے خاندان کو کچھ روز پہلے ہی شہید کردیا گیا تھا؟
ان کا مزید کہنا تھا کہ یہ ایک خوفناک الزام ہے، آپ ملک کے وزیراعظم ہیں، آپ یہ کیسے کہہ سکتے ہیں؟ یہ کہتے ہوئے سویڈن کی پہلی خاتون وزیراعظم اور موجودہ پارلیمانی لیڈر ماگدلینا آبدیدہ ہوگئیں۔
ماگدلینا نے وزیراعظم اولف کرسترسن کو تنقید کا نشانہ بناتے ہوئے کہا کہ ہم اس وقت ایسے حالات میں ہیں جب ہمیں ایک ایسے وزیر اعظم کی ضرورت ہے جو کشیدگی کو کم کرے اور ہم سب کو یکجا کرے، چاہے ہم یہودی ہوں، مسلمان ہوں یا پھر سویڈش فلسطینی ہوں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News