سال 2021 کا آخری اور مکمل سورج گرہن آج ہو گا جو کہ دنیا کے جنوبی علاقوں میں صاف دیکھا جاسکے گا۔

اس حوالے سے محکمہ موسمیات کا کہنا ہے کہ پاکستانی وقت کے مطابق آج سورج کو مکمل گرہن دوپہر 12 بجے لگے گا اور تقریباً 2 گھنٹوں تک جاری رہیگا۔

محمکہ موسمیات کا کہنا ہے کہ یہ سورج گرہن پاکستان میں نہیں دیکھا جاسکے گا۔

اس کا آغاز 10.29 منٹ پر ہوگا جبکہ مکمل گرہن 12 بجے لگ جائیگا۔

اس منظر کو ناسا کی جانب سے لائیو بھی دکھایا جائیگا جبکہ اینٹارٹیکہ کے علاقوں میں اس منظر کو بہت واضح طور پر دیکھا جاسکے گا۔

Are you in Antarctica? It’s cool if you’re not. You can still enjoy the only total #SolarEclipse of 2021 on Dec. 4. Watch it LIVE: https://t.co/HH1sEaccXd

• Broadcast starts at 1:30am ET (06:30 UTC)
• Totality occurs at 2:44am ET (07:44 UTC)

📸: @NASAHQPhoto

Advertisement

— NASA (@NASA) December 3, 2021

سورج گرہن :

زمین پر سورج گرہن اس وقت لگتا ہے جب چاند دورانِ گردش زمین اور سورج کے درمیان آ جاتا ہے، جس کی وجہ سے سورج کا مکمل یا کچھ حصہ دکھائی دینا بند ہو جاتا ہے۔

مکمل سورج گرہن:

مکمل سورج گرہن اس وقت لگتا ہے جب چاند کا فاصلہ زمین سے اتنا کم ہو کہ جب وہ سورج کے سامنے آئے تو سورج مکمل طور پر چاند کے پیچھے چھپ جائے چونکہ چاند اور زمین کے مدار بیضوی ہیں اس لیے چاند کا زمین سے فاصلہ بدلتا رہتا ہے۔ اس لیے ہر دفعہ مکمل سورج گرہن نہیں لگتا ہے۔