امریکی ٹیکنالوجی کمپنی ایپل نے طویل انتظار کے بعد اپنی تاریخ کے سب سے سستے آئی فون کو لانچ کرنے کی حتمی تاریخ کا اعلان کردیا ہے

ایپل کی جانب سے جاری اعلامیے کے مطابق 8 مارچ کو کمپنی رواں سال کے پہلے ایونٹ کا انعقاد کررہی ہے۔

یہ تقریب امریکی ریاست کیلی فورنیا کے ایپل پارک کیمپس میں اسٹیو جابز تھیٹر میں منعقد کی جائے گی۔

دنیا بھر میں موجود ایپل کے صارفین کو اس ایونٹ کا بے تابی سے انتظارہے کیوں کہ اس میں کمپنی کی طرف سے اب تک کا سب سے سستا آئی فون پیش کیے جانے کی افواہیں زیر گردش تھیں۔

 ٹیکنالوجی ویب سائٹ گو ڈیجیٹل کے مطابق 8 مارچ کو ہونے والے ایونٹ میں سستے ترین آئی فون کے ساتھ ساتھ نیکسٹ جنریشن آئی پیڈ ایئر کو بھی لانچ کیا جائے گا۔

ایونٹ میں امریکی ٹیکنالوجی جائنٹ ایپل کا سستا  ترین ماڈل ’ایس ای 3‘ کے نام سے پیش کرنے جا رہی ہے۔ جو کہ سستا ہونے کے باوجود فائیوجی ٹیکنالوجی اور طاقت ور پروسیسر کے ساتھ ہوگا۔

Peek performance. March 8th. See you there. #AppleEvent pic.twitter.com/cEKMq7BuBh

— Greg Joswiak (@gregjoz) March 2, 2022

آئی فون کےحوالے سے لیٹس گو ڈیجیٹل نامی ویب سائٹ پر شائع ہونے والی رپورٹ میں بتایا گیا ہے کہ اس تھرڈ جنریشن آئی فون ایس ای 3 ماڈل کا ڈیزائن آئی فون 8 جیسا ہوگا جس میں آئی فون 13 میں استعمال ہونے والی A15 چپ دی جائے گی جو 5 جی کے ساتھ ہے۔

فون میں ممکنہ طور پر 4.7 انچ اسکرین کے ساتھ 4 جی بی ریم کے ساتھ 128 اور 256 جی بی اسٹوریج دی جائے گی۔

فون کے عقبی حصے میں 12 میگا پکسلز ریزولیشن کے سنگل یونٹ کیمرے کے ساتھ 1820 ایم اے ایچ کی بیٹری دی جائے گی جو 15 واٹ چارجنگ کو سپورٹ کرے گی۔

جہاں تک بیٹری کی بات ہے تو یقیناً زیادہ پاور استعمال کرنے والی 5 جی ٹیکنالوجی کے ساتھ  طاقت ور بیٹری کا ہونا ضروری ہے۔ اب یہ بیٹری کتنا بیک اپ فراہم کرتی ہے یہ کہنا قبل ازقیاس ہوگا۔

آئی فون ایس ای ماڈل کی موجود قیمت اس وقت 399 سے 499 ڈالر ہے۔ جب کہ لیکس کے مطابق آئی فون ایس ای 3 کو 300 ڈالر کے پرائس ٹیگ کے ساتھ فروخت کے لیے پیش کیا جائے گا۔

یہ قیمت 5 جی ٹیکنالوجی سے لیس اس فون کو اپنی ہم عصر کمپنیوں میں نمایاں کرتی ہے۔

اگر لیکس میں ظاہر ہونے والی معلومات درست ہیں تو نیا آئی فون ایس سی ان صارفین کے لیے مایوس کن ہوگا جو جدید مکمل اسکرین ڈیزائن کو استعمال کرنا چاہتے ہیں۔

کیوں کہ اس نئے ماڈل میں نسبتاً چھوٹی اسکرین کے ساتھ موٹا بیزل اور بٹن بیسڈ فنگر پرنٹ ریڈر دیا جائے گا۔