ایشیا کپ 2025 کے سپر فور مرحلے کے دوسرے اہم میچ میں آج روایتی حریف پاکستان اور بھارت آمنے سامنے ہوں گے۔
میچ سے ایک روز قبل سوشل میڈیا پلیٹ فارم ایکس (سابقہ ٹوئٹر) پر سابق کپتان بابر اعظم چھائے رہے، نیٹ پریکٹس کے دوران ان کی بیٹنگ کی ویڈیوز وائرل ہو گئیں، جن میں انہیں بھرپور انداز میں شاٹس کھیلتے دیکھا گیا۔
ان ویڈیوز کے بعد شائقین میں یہ قیاس آرائیاں تیز ہو گئیں کہ بابر اعظم جلد ہی قومی ٹیم میں واپسی کر سکتے ہیں۔
Mr Better than Babar Azam Clean Bowled on 5(8) pic.twitter.com/1AfyAEZDne
— Pakistan Cricket Team USA FC (@DoctorofCricket) September 19, 2025
کرکٹ فینز کے مطابق وہ ممکنہ طور پر جنوبی افریقا کے خلاف 12 اکتوبر سے شروع ہونے والی دو ٹیسٹ میچوں کی سیریز میں اسکواڈ کا حصہ بن سکتے ہیں۔
اگرچہ پاکستان کرکٹ بورڈ (پی سی بی) نے ابھی تک اسکواڈ کا باضابطہ اعلان نہیں کیا لیکن سوشل میڈیا صارفین کا ماننا ہے کہ بابر کی فارم اور تیاری انہیں ٹیم میں دوبارہ جگہ دلوا سکتی ہے۔
Babar Azam batting after a long time. Can’t wait for the 12th OCT pic.twitter.com/tapWWi8SXR
— Hassan Abbasian (@HassanAbbasian) September 20, 2025
بابر اعظم کی وائرل ویڈیوز پر مداحوں نے تبصرے کرتے ہوئے ان کا موازنہ بھارتی بلے باز شبھمن گل سے بھی کیا، جو حال ہی میں یو اے ای کے خلاف میچ میں کلین بولڈ ہو گئے تھے۔
واضح رہے کہ سابق کپتان بابر اعظم اور وکٹ کیپر بیٹر محمد رضوان اس وقت دبئی میں موجود ہیں لیکن ایشیا کپ 2025 کے اسکواڈ میں شامل نہیں کیے گئے۔
