وفاقی وزیر خزانہ محمداورنگزیب نے کہا ہے کہ پاکستان معاشی استحکام کے بعد ترقی کے مرحلے میں داخل ہوگیا، پاکستان تجارت اور سرمایہ کاری کے لیے تیار ہیں۔

وزیرخزانہ محمداورنگزیب نے امریکی اخبار یوایس ٹو دے کو انٹرویو دیتے ہوئے کہا کہ معاشی اصلاحات سے ملکی اور عالمی اعتماد میں اضافہ ہوا ہے، معیشت اب قرضوں کے بجائے برآمدات پر مبنی ترقی کی جانب گامزن ہے۔

انہوں نے کہا کہ پرائمری بجٹ اور کرنٹ اکاؤنٹ سرپلس اہم سنگ میل ہے، مہنگائی 38 فیصد سے کم ہو کر سنگل ڈیجٹ میں آچکی ہے۔ زرمبادلہ کے ذخائر بھی 14.5 ارب ڈالر سے تجاوز کر گئے ہیں، شرح مبادلہ میں استحکام سے سرمایہ کاروں کا اعتماد بحال ہوا۔

محمداورنگزیب کا کہنا تھا کہ 2.7 فیصد معاشی نمومثبت مگر ناکافی ہے، ٹیکس، توانائی اور سرکاری اداروں میں اصلاحات جاری ہیں، آئی ٹی برآمدات 4 ارب ڈالر سے تجاوز، 5 سال میں دوگنا ہونے کا امکان ہے۔

انہوں نے کہا کہ نجکاری اور ٹیرف اصلاحات سےعالمی مسابقت میں اضافہ ہوگا، عالمی بینک کے مطابق پاکستان میں ایسٹ ایشیا مومنٹ کا امکان ہے۔

وزیرخزانہ نے کہا کہ موسمیاتی تبدیلی بڑے چیلنجز میں شامل ہے، عالمی تعاون ضروری ہے، زراعت، معدنیات اور ڈیجیٹل معیشت میں سرمایہ کاری کے مواقع ہیں۔ بلوچستان کا ٹیتھیان کا پربیلٹ عالمی توجہ کا مرکز ہے، ڈیٹا سینٹرز، اے آئی اورڈیجیٹل سروسزمیں بڑی صلاحیت ہے۔

محمداورنگزیب نے مزید کہا کہ پاکستان تجارت اور سرمایہ کاری کے لیے تیار ہے، بحران سے نکل کر مواقع کی معیشت کی جانب سفر شروع ہے، تاہم امریکی اخبار نے پاکستنا اسپیشل رپورٹ بھی شائع کردی۔